అమర్ అక్బర్ ఆంటోని రివ్యూ

అమర్ అక్బర్ ఆంటోని రివ్యూ

 


తెలుగు చిత్రసీమలో విజయవంతమైన కాంబినేషన్స్‌లో హీరో రవితేజ, దర్శకుడు శ్రీనువైట్లలది ఒకటి. వీరిద్దరి కలయికలో రూపొందిన నీకోసం, వెంకీ, దుబాయ్‌శీను చిత్రాలు మంచి విజయాల్ని అందుకున్నాయి. సుదీర్ఘ విరామం తర్వాత వీరు కలిసి చేసిన చిత్రం అమర్ అక్బర్ ఆంటోనీ. కొంతకాలంగా రవితేజతో పాటు శ్రీనువైట్ల పరాజయాలను ఎదుర్కొంటున్న నేపథ్యంలో ఇద్దరి కెరీర్‌కు ఈ చిత్రం కీలకంగా మారింది.

ఆనంద్‌ప్రసాద్, సంజయ్ ప్రాణమిత్రులు. భార్యాపిల్లలతో అమెరికాలో స్థిరపడతారు. ఫిడో అనే ఫార్మాకంపెనీకి అధిపతులైన వారు తమ సంస్థలోనే పనిచేసే నలుగురు ఉద్యోగులను(తరుణ్ అరోరా, విక్రమ్ జీత్, ఆదిత్యమీనన్, రాజ్‌వీర్) వాటా దారులుగా చేర్చుకుంటారు. పైకి మంచి వారుగా నటిస్తూనే స్నేహితులిద్దరిని చంపి కంపెనీ హస్తగతం చేసుకుంటారా నలుగురు. ఈ ప్రమాదంలో ఆనంద్‌ప్రసాద్ తనయుడు అమర్(రవితేజ), సంజయ్ కూతురు ఐశ్వర్య(ఇలియానా) ప్రాణాలతో బయటపడతారు. తన కుటుంబాలను బలి తీసుకున్న వారిపై పగను పెంచుకున్న అమర్ ఒక్కొక్కరిని హతమారుస్తుంటాడు. ఈ ప్రయత్నంలో అతడికి ఎలాంటి పరిణామాలు ఎదురయ్యాయి? అనుకోని పరిస్థితుల్లో బాల్యంలోనే ఐశ్వర్యకు దూరమైన అమర్ తిరిగి ఆమెను ఎలా కలుసుకున్నాడు? అన్నదే ఈ చిత్ర కథ.

ప్రతీకారంతో ముడిపడిన కథ ఇది. ఈ పాయింట్‌కు స్లిట్ పర్సనాలిటీ అనే మానసిక వ్యాధిని జోడించి దర్శకుడు శ్రీనువైట్ల ఈ సినిమాను తెరకెక్కించారు. మానసిక సమస్య కారణంగా ఒకే వ్యక్తి ముగ్గురు భిన్నమైన మనుషులుగా ప్రవర్తించడమనే అంశం నుంచి వినోదాన్ని, ఉత్కంఠతను రాబట్టుకునే ప్రయత్నం చేశారు. అయితే రొటీన్ రివేంజ్ డ్రామాతో కథను రాసుకోవడం, కథనంలో క్లారిటీ లోపించడంతో ఈ చిత్రం ప్రేక్షకుల సహనానికి పరీక్షగా నిలిచింది. తెలిసిన కథను కొత్తగా చెప్పినప్పుడే ప్రేక్షకుల్ని ఆకట్టుకునే అవకాశం ఉంటుంది. శ్రీనువైట్ల ఆ దిశగా అడుగులు వేయలేదు. హీరోతో పాటు విలన్ పాత్రలను బలంగా రాసుకోలేదు. దానికి తోడు విలన్‌ను రవితేజ చంపే సన్నివేశాలన్ని ఊహాతీతంగా సాగడం మైనస్‌గా మారింది.

నాయకానాయికల మధ్య ప్రేమకథను హృద్యంగా ఆవిష్కరించే అవకాశం ఉండి కూడా అనవసరపు కామెడీ ట్రాక్‌లకే ఎక్కువగా ప్రాధాన్యతనిచ్చారు. రవితేజతో పాటు ఇలియానా ఇద్దరూ మానసిక సమస్యలతో బాధపడుతున్నట్లు చూపించారు. కథలో ఆ అంశాన్ని అంతర్భాగంగా చూపించడంలో శ్రీనువైట్ల తడబడ్డారు. దాంతో ఆ సన్నివేశాలన్నీ గందరగోళానికి గురిచేస్తాయి.

కామెడీని పండించడంలో శ్రీనువైట్ల సిద్ధహస్తుడు. వినోదాన్ని నమ్మి ఆయన తెరకెక్కించిన సినిమాలన్నీ పెద్ద విజయాల్ని సాధించాయి. గత సినిమాల్లో వర్కవుట్ అయినా వినోదం ఈసినిమాలో లోపించింది. వాటా పేరుతో అమెరికాలోని తెలుగు సంఘాలపై విమర్శలు గుప్పిస్తూ శ్రీనివాసరెడ్డి, వెన్నెలకిషోర్, రఘుబాబు, సత్యలతో చేసిన కామెడీ సన్నివేశాల్లో ఒకటి రెండు మినహా పెద్దగా నవ్వించలేకపోయాయి. సునీల్ కామెడీ టైమింగ్, పంచ్ డైలాగుల్లో మునుపటి మ్యాజిక్ కనిపించలేదు.

మూడు భిన్న పార్శాలున్న పాత్రలో రవితేజ చక్కటి నటనను ప్రదర్శించారు. అమర్ పాత్ర భావోద్వేగభరితంగా సాగగా, అక్బర్ మాస్ పంథాలో, ఆంటోనీ క్లాస్ టచ్‌తో కూడి ఉంటుంది. మూడు పాత్రల్లో ఒదిగిపోయారు. సుదీర్ఘ విరామం తర్వాత ఈసినిమాతో తెలుగులో పునరాగమనం చేసింది ఇలియానా. అభినయానికి ఆస్కారమున్న పాత్రలో నటించింది. ఆమె పాత్ర మరింత శక్తివంతంగా ఆవిష్కరిస్తే బాగుండేది. ప్రతినాయకులుగా తరుణ్ అరోరా, విక్రమ్ జీత్, ఆదిత్యమీనన్, రాజ్‌వీర్‌ల నటన, పాత్రలు రొటీన్‌గా ఉన్నాయి. పోలీస్ అధికారిగా అభిమన్యుసింగ్ పాత్రలో అతి ఎక్కువగా కనిపిస్తుంది.
సాంకేతికంగా మైత్రీ మూవీ మేకర్స్ నిర్మాణ విలువలు బాగున్నాయి. దర్శకుడు చెప్పిన కథను నమ్మి అమెరికాలో భారీ హంగులతో ఈసినిమాను తెరకెక్కించారు. వెంకట్.సి. దిలీప్ ఛాయాగ్రహణం బాగుంది. తమన్ బాణీల్లో ఆకట్టుకోలేదు.

దర్శకుడిగానే కాకుండా కథకుడిగా శ్రీనువైట్ల ఈ సినిమాతో నిరాశపరిచారు. నవ్యమైన ఇతివృత్తాలకు పట్టం కడుతున్న ప్రస్తుతం తరుణంలో ఇలాంటి మూసధోరణితో కూడిన ప్రతీకార కథ ప్రేక్షకుల్ని ఆకట్టుకోవడం కొంత కష్టమేనని చెప్పవచ్చు.


PostedOn: 16 Nov 2018 Total Views: 85




అప్పటి నుంచి చిరంజీవి మీద రాళ్లేస్తున్నా...

అప్పటి నుంచి చిరంజీవి మీద రాళ్లేస్తున్నారు

మెగాస్టార్ చిరంజీవి తమ్ముడు నాగేంద్ర బాబు.. అన్న బాటలో సినీ రంగ ప్రవేశం చేశారు. క్యారెక్టర్ ఆర్టిస్టుగా స్థిరపడిపోయిన ఆయన చాలా సున్నిత మనస్కులని పేరుండేంది. అయితే, ఇటీవల సంచలనమైన వివాదం తర్వాత రూటు మార్చారు. నందమూరి బాలకృష్ణ ఎవరో తనకు తెలియదంటూ చేసిన వ్యాఖ్యలు వివాదాస్పదం అయ్యాయి. ఈ వివాదం తర్వాత నా...

18 Feb 2019

సత్యమే గెలిచింది..ఆర్’జివి లక్ష్మీస్‌ ఎన...

సత్యమే గెలిచింది..ఆర్’జివి లక్ష్మీస్‌ ఎన్టీఆర్‌

స్వర్గీయ ఎన్టీఆర్‌పై ఏకకాలంలో బయోపిక్‌లు వస్తుండటంతో వీటిల్లో ఏది యధార్థానికి దగ్గరగా ఉంటుంది అనే విషయంపై సోషల్‌ మీడియాలో తీవ్ర చర్చసాగుతోంది. సంచలన దర్శకుడు రామ్‌ గోపాల్ వర్మ తెరకెక్కిస్తున్న తాజా చిత్రం లక్ష్మీస్‌ ఎన్టీఆర్‌. ఎన్టీఆర్ జీవితంలోని కీలక సంఘటనల ఆధారంగా తెర...

18 Feb 2019

ఎన్టీఆర్ మహానాయకుడు ట్రైలర్‌లో అది పచ్చి...

ఎన్టీఆర్ మహానాయకుడు ట్రైలర్‌లో అది పచ్చి అబద్దం.. ...

నందమూరి బాలకృష్ణ తన తండ్రి ఎన్టీఆర్ పాత్రలో నటిస్తున్న ఎన్టీఆర్ బయోపిక్ చిత్రంలో నటిస్తున్న సంగతి తెలిసిందే. ఇప్పటికే మొదటి భాగం విడుదలైంది. రెండవ భాగం ఎన్టీఆర్ మహానాయకుడు ఫిబ్రవరి 22న ప్రేక్షకుల ముందుకు వస్తోంది. ఈ సందర్భంగా ఎన్టీఆర్ మహానాయకుడు ట్రైలర్ ని ఇటీవల విడుదల చేశారు. ట్రైలర్ లో ఎన్టీఆర్ తె...

18 Feb 2019

రజనీ మక్కల్‌ మండ్రం 2021 లో ఎంట్రీ

రజనీ మక్కల్‌ మండ్రం 2021 లో ఎంట్రీ

త్వరలో జరగనున్న సార్వత్రిక ఎన్నికల్లో పోటీపై దక్షిణాది సూపర్‌ స్టార్‌, రజనీ మక్కల్‌ మండ్రం అధినేత రజనీకాంత్‌ స్పష్టత ఇచ్చారు. లోక్‌సభ ఎన్నికలకు దూరంగా ఉండనున్నట్లు ఆయన ప్రకటన చేశారు. ఈ మేరకు అధికారికంగా ఓ ప్రకటన విడుదల చేశారు. చెన్నైలో జరిగిన జిల్లా కార్యదర్శుల సమావేశంలో రజన...

17 Feb 2019

విజయ్ దేవరకొండకు బిగ్ ఛాలెంజ్..

విజయ్ దేవరకొండకు బిగ్ ఛాలెంజ్..

సెన్సేషనల్ హీరో విజయ్ దేవరకొండకు ఎలాంటి క్రేజ్ నెలకొందో ప్రత్యేకంగా చెప్పనవసరం లేదు. అర్జున్ రెడ్డితో ఒక్కసారిగా హాట్ టాపిక్ గా మారిన ఈ యువ హీరో గత ఏడాది గీత గోవిందం చిత్రంతో కెరీర్ లో బిగ్గెస్ట్ హిట్ సొంతం చేసుకున్నాడు. ప్రస్తుతం విజయ్ దేవరకొండ పట్టిందల్లా బంగారమే అవుతోంది. గత ఏడాది విజయ్ దేవరకొండ ...

14 Feb 2019

‘మజిలీ’ టీజర్.. వెధవలకెప్పుడూ మంచి పెళ్ళ...

‘మజిలీ’ టీజర్.. వెధవలకెప్పుడూ మంచి పెళ్ళాలు దొరుకు...

రియల్ లైఫ్ కపుల్స్ అక్కినేని నాగ చైతన్య, సమంత వివాహం తర్వాత జంటగా నటిస్తున్న తొలి చిత్రం మజిలీ. నిన్ను కోరి ఫేమ్ శివ నిర్వాణ దర్శత్వంలో ఈ చిత్రం తెరకెక్కుతోంది. ప్రేమ, కుటుంబ బంధాలు ప్రధానంగా ఈ చిత్రాన్ని దర్శకుడు రూపొందిస్తున్నారు. మజిలీలో సమంత, చైతు భార్య భర్తలుగా నటిస్తున్నారు. నేడు ప్రేమికుల దిన...

14 Feb 2019

ల‌క్ష్మీస్ ఎన్టీఆర్ ట్రైల‌ర్…వాడిని న‌మ్...

ల‌క్ష్మీస్ ఎన్టీఆర్ ట్రైల‌ర్…వాడిని న‌మ్మ‌డమే నేను...

వివాదాస్పద దర్శకుడు రాంగోపాల్ వర్మ జూలు విదిల్చాడు. తాను మనసుపెట్టి చేస్తే ఆ చిత్రం ఎలా ఉంటుందో నిరూపించాడు. ఎప్పుడూ వివాదాలతో సహవాసం చేసే వర్మ సరైన సబ్జెక్ట్ దొరికితే తన దర్శకత్వ ప్రతిభ ఎలా ఉంటుందో తాజాగా లక్ష్మీస్ ఎన్టీఆర్ చిత్రం ద్వారా నిరూపించాడు. రాంగోపాల్ వర్మ లక్ష్మీస్ ఎన్టీఆర్ చిత్ర ట్రైలర్ ...

14 Feb 2019

వైఎస్సార్‌గారు ప్రజలను తండ్రిలా ఆదరించార...

వైఎస్సార్‌గారు ప్రజలను తండ్రిలా ఆదరించారు – వైఎస్‌...

‘‘వైఎస్‌ రాజశేఖర రెడ్డిగారి పాదయాత్ర ఆధారంగా చేసుకుని ‘యాత్ర’ సినిమాని నిర్మించి, విజయవంతంగా నడిపించిన డైరెక్టర్‌ మహి, నిర్మాతలు విజయ్, శశి, శివగార్లకు కృతజ్ఞతలు తెలపడంతో పాటు అభినందిస్తున్నా’’ అని వైఎస్‌ఆర్‌ కాంగ్రెస్‌ పార్టీ గౌరవాధ్యక్షు...

13 Feb 2019