హవాలా రాకెట్ గుట్టురట్టు

హవాలా రాకెట్ గుట్టురట్టు

 


-రూ.7.51 కోట్ల నగదు స్వాధీనం
-నలుగురు నిందితుల అరెస్టు..
-పరారీలో మరో నలుగురు
-రాజకీయం కోణంపై పోలీసుల ఆరా
హైదరాబాద్, నమస్తే తెలంగాణ: నగదు సరఫరాతో ఓటర్లను మభ్యపెట్టేందుకు సిద్ధమవుతున్న హవాలా ముఠా గుట్టును హైదరాబాద్ టాస్క్‌ఫోర్స్, ఎన్నికలను పర్యవేక్షిస్తున్న స్టాటిక్ సర్వేలెన్స్, ఫ్లయింగ్ స్క్వాడ్ బుధవారం సంయుక్తంగా రట్టుచేశాయి. కీలక సమాచారాన్ని అందుకున్న ఈ బృందాలు.. సైఫాబాద్, బంజారాహిల్స్, షాహినాయత్‌గంజ్ పోలీసుస్టేషన్ పరిధిలో సోదాలు జరిపి రూ.7.51కోట్ల నగదును స్వాధీనం చేసుకున్నాయి. నలుగురిని అరెస్టు చేయగా.. మరో నలుగురు పరారీలో ఉన్నారు. నిందితుల నుంచి సెల్‌ఫోన్‌లు, బ్యాంక్ చెక్ బుక్‌లు, ల్యాప్‌టాప్, కౌంటింగ్ మెషీన్ ఇతర సామగ్రిని పోలీసులు జప్తుచేశారు. భారీమొత్తంలో పట్టుబడ్డ ఈ నగదు వెనుక రాజకీయ కోణంపై హైదరాబాద్ పోలీసులు ఆరాతీస్తున్నారు. హైదరాబాద్ పోలీసు కమిషనర్ అంజనీకుమార్ కథనం ప్రకారం.. బంజారాహిల్స్ తాజ్‌కృష్ణ హోటల్ వెనుక నవీన్‌నగర్ ప్రాంతానికి చెందిన సునీల్‌కుమార్ అహుజా తన కుమారుడు ఆశిష్‌కుమార్ అహుజాతోపాటు డ్రైవర్ మహ్మద్ ఆజంఖాన్, గోషామహల్ ప్రాంతానికి చెందిన బహుభట్‌సింగ్ రాజ్‌పురోహిత్ అనే అనుచరుడితో కలిసి హవాలా వ్యాపారాన్ని నడిపిస్తున్నాడు. ఎన్నికల నేపథ్యంలో రాజకీయ నాయకులకు అవసరం ఉంటుందని భావించిన సునీల్‌కుమార్.. ఇతర రాష్ట్రాలతోపాటు విదేశాల నుంచి భారీమొత్తంలో నగదు తెప్పించి నిల్వచేశాడు.

సునీల్‌కుమార్ ఆదేశం మేరకు బుధవారం రాజ్‌పురోహిత్ నుంచి రూ.2 కోట్లు తీసుకొస్తున్న ఆశిష్, ఆజంఖాన్‌ను నెక్లెస్‌రోడ్డు వద్ద పోలీసులు అదుపులోకి తీసుకుని ఆ నగదును, వోల్వో కారును స్వాధీనం చేసుకున్నా రు. విచారణలో వీరు సునీల్‌కుమార్ వ్యవహారాన్ని వెల్లడించడంతో పోలీసులు అతని ఇంట్లో సోదాలు నిర్వహించారు. ఈ సోదాల్లో మరో రూ.5.47 కోట్లు బయటపడ్డాయి. ఇదేవిధంగా రాజ్‌పురోహిత్ ఇంటిలో సోదాలు నిర్వహించగా రూ.3.50 లక్షల నగదుతోపాటు కర్నాటక ప్రభుత్వ లైసెన్స్‌తో కూడిన ఓ రివాల్వర్ దొరికింది. దీంతో అతనిపై ఆయుధ చట్టం కింద కేసు నమోదుచేశారు. శాసనసభ ఎన్నికల నేపథ్యంలో ఇంత భారీగా నగదు పట్టుబడటం సంచలనం సృష్టించింది. ఈ నగదు వ్యవహారంపై పోలీసులు.. ఎన్‌ఫోర్స్‌మెంట్ డైరెక్టరేట్‌తోపాటు ఆదాయం పన్ను (ఐటీ) విభాగానికి సమాచారాన్ని అందజేశామని, నిందితులను అరెస్టుచేసి రిమాండ్‌కు తరలించామని సీపీ అంజనీకుమార్ తెలిపారు. సమావేశంలో సెంట్రల్‌జోన్ డీసీపీ విశ్వప్రసాద్, టాస్క్‌ఫోర్స్ డీసీపీ రాధాకిషన్‌రావు, టాస్క్‌ఫోర్స్ అదనపు డీసీపీ చైతన్యకుమార్, సైఫాబాద్ ఏసీపీ వేణుగోపాల్‌రెడ్డి పాల్గొన్నారు.


12 బ్యాంకులకు పోలీసుల లేఖలు

ఈ ముఠాలోని ఒక్కో సభ్యుడికి కనీసం 7 బ్యాంకు ఖాతాలు ఉన్నట్టు పోలీసులు గుర్తించారు. వీరు తమ పేర్లతో డమ్మీ కంపెనీలను సృష్టించి భారీమొత్తంలో నగదు లావాదేవీలు జరిపినట్టు పోలీసులకు ఆధారాలు లభించాయి. ఆజంఖాన్ పేరిట తప్పుడు ధ్రువీకరణపత్రాలతో ఇటీవల ఓ రియల్ ఎస్టేట్ సంస్థ ను తెరిచి దానిద్వారా హవాలా వ్యవహారాలను నడిపినట్టు పోలీసుల దృష్టికి వచ్చింది. దీంతో ఆ ఖాతాల వివరాలు కావాలని 12 బ్యాంకులకు పోలీసులు లేఖలు రాశారు.

విద్యాసాగర్ ఖాతాలోకి రెండు కోట్లు

సైబరాబాద్ పోలీసు కమిషనరేట్ పరిధిలో నివసిస్తున్న విద్యాసాగర్ అనే వ్యాపారి ఖాతాలోకి సునీల్‌కుమార్ అహుజా ముఠా ఇటీవల ఆన్‌లైన్ ద్వారా దాదాపు రూ.2 కోట్లు జమచే సి.. ఆ తర్వాత ఆ సొమ్మును ఇతర ఖాతాలకు బదిలీచేసినట్టు పోలీసులు గుర్తించారు. దీంతో విద్యాసాగర్‌తోపాటు ఈ ముఠాతో సంబంధాలు పెట్టుకున్న జయేశ్‌పటేల్, శైలేశ్, కిషన్‌లాల్‌చంద్ అనే వ్యక్తుల కోసం పోలీసులు గాలిస్తున్నారు.

అమెరికాలో డిగ్రీ.. హైదరాబాద్‌లో హవాలా దందా!

ఈ ముఠాలో సభ్యుడైన ఆశిష్ అహుజా.. అమెరికాలో డిగ్రీ పూర్తిచేసుకుని ఈ ఏడాది మేలో నగరానికి తిరిగివచ్చాడు. ఆ తర్వాత తన తండ్రి సునీల్‌కుమార్ అహుజా వ్యాపార లావాదేవీలను చూసుకుంటూ హవాలా వ్యాపారిగా మారాడు. ఇందుకోసం ఆశిష్.. తన డ్రైవర్ ఆజంఖాన్ పేరిట నకిలీ పత్రాలను సృష్టించి వాటితో బ్యాంక్ ఖాతాలు తెరిపించడంతోపా టు డొల్ల కంపెనీలను ఏర్పాటుచేయించి అతనికి భారీగా కమీషన్ ఇచ్చినట్టు తేలింది. దీంతో విచారణ కోసం సునీల్‌కుమార్, ఆశిష్‌కుమార్‌తోపాటు ఆజంఖాన్, రాజ్‌పురోహిత్‌లను ఐదు రోజుల కస్టడీకి ఇవ్వాలని పోలీసులు కోర్టును కోరారు. ఈ కేసు తదుపరి దర్యాప్తును సీసీఎస్‌కు అప్పగిస్తున్నట్టు సీపీ అంజనీకుమార్ తెలిపారు. ఓటర్లను ప్రభావితం చేసేందుకు ప్రయత్నించే రాజకీయ పార్టీలు, నాయకుల పట్ల కఠినంగా వ్యవహరిస్తామని ఆయన హెచ్చరించారు.

భారీ కమీషన్లకు కక్కుర్తిపడి..

హవాలా వ్యాపారంలో ఆరితేరిన ఈ ముఠా.. భారీ కమిషన్ల కోసం ఎన్నికలను టార్గెట్‌గా చేసుకున్నారని, అందుకోసమే వీరు ఇతర రాష్ట్రాల నుంచి పెద్దమొత్తంలో నగదును తీసుకువచ్చి నిల్వచేశారని పోలీసులు అనుమానిస్తున్నారు.సాధారణంగా హవాలా వ్యాపారంలో 0.50 శాతం నుంచి 2 శాతం వరకు కమీషన్ తీసుకునే వీరు.. ఎన్నికల సమయంలో రాజకీయనాయకుల నుంచి 5 నుంచి 10 శాతం కమీషన్ పొందవచ్చని ఆశపడినట్టు తెలుస్తున్నది.

 


PostedOn: 09 Nov 2018 Total Views: 88




నాన్న హత్యకేసు దర్యాప్తుపై అనుమానాలు

నాన్న హత్యకేసు దర్యాప్తుపై అనుమానాలు

నాన్న హత్య కేసు దర్యాప్తుపై అనుమానాలు ఉన్నాయని వైయస్‌ వివేకానందరెడ్డి కుమార్తె వైయస్‌ సునీతా రెడ్డి అన్నారు. కేసును పక్కదారి పట్టించేందుకు ప్రయత్నాలు జరుగుతున్నాయని అనుమానం వ్యక్తం చేశారు.ఇందులో భాగంగానే తమ కుటుంబంపై నిందారోపణలు చేస్తున్నారా అని ప్రశ్నించారు. సంఘటనా స్థలంలోనే సీఐ శంకరయ్య ఉ...

24 Mar 2019

బోణి కొట్టిన చెన్నై జట్టు.. బౌలర్ల పాత్ర...

బోణి కొట్టిన చెన్నై జట్టు.. బౌలర్ల పాత్ర కీలకం..

చిదంబరం స్టేడియం వేదికగా జరిగిన ఐపీఎల్ సీజన్-12 తొలి మ్యాచ్‌లో బెంగళూరుపై చెన్నై సూపర్ కింగ్స్ బోణీ కొట్టింది. టాస్ గెలిచి ఫీల్డింగ్ ఎంచుకున్న చెన్నై జట్టు తొలి విజయం సాధించింది. ముందుగా బ్యాటింగ్ కు దిగిన బెంగుళూరు జట్టు కేవలం 70 పరుగుల మాత్రమే చేసింది. బెంగళూరు బ్యాట్స్‌మెన్స్‌లో పా...

24 Mar 2019

కత్తులు దూస్తున్న తండ్రీకుమార్తె... రసవత...

కత్తులు దూస్తున్న తండ్రీకుమార్తె... రసవత్తరంగా రాజ...

వేలుపట్టి నడకలు నేర్పించిన నాన్న. తండ్రి కళ్లతో ప్రపంచాన్ని చూసిన కూతురు. పోటీ ప్రపంచంలో ఎలా నెగ్గుకురావాలో దిశానిర్దేశం చేసిన డాడీ కాంపిటీటీవ్ వాల్డ్‌లో తండ్రికే గర్వకారణం నిలిచిన తనయ. ఇప్పుడు ఈ తండ్రీ కూతుళ్ల మధ్యే నేరుగా పోటీ ఉంటే.? బుడిబుడి అడుగులు నేర్పిన నాన్నతో, ఆ కూతురు సమరానికి సిద్దమం...

24 Mar 2019

ఏపీ సీఈవోకు సునీతా రెడ్డి ఫిర్యాదు..

ఏపీ సీఈవోకు సునీతా రెడ్డి ఫిర్యాదు..

వైఎస్ వివేకానందరెడ్డి హత్య కేసును పక్కదారి పట్టించేలా టీడీపీ నేతలు ప్రకటనలు చేస్తున్నారంటూ ఆయన కుమార్తె సునీతా రెడ్డి ఏపీ ప్రధాన ఎన్నికల అధికారికి ఫిర్యాదు చేశారు. సాక్షాత్తూ ముఖ్యమంత్రి చంద్రబాబు నాయుడే కేసు దర్యాప్తును ప్రభావితం చేసేలా వ్యాఖ్యలు చేస్తున్నారని ఈసీ సీఈఓ గోపాలకృష్ణ ద్వివేదికి విన్నవి...

21 Mar 2019

అత్యాచారం చేసి, బాధితురాలి దుస్తులతో పరా...

అత్యాచారం చేసి, బాధితురాలి దుస్తులతో పరార్..పార్కు...

ఆడపిల్లలపై ఎన్ని చట్టాలు తీసుకొచ్చినా కానీ అత్యాచారాలు మాత్రం ఆడగంలేదు. మగవాడి చేతిలో బలికాక తప్పడంలేదు. కాగా తాజా దుబాయ్‌లో ఇలాంటి ఘటనే చోటుచేసుకుంది. ఓ యువతిపై అత్యాచారానికి పాల్పడిన బాద్మాష్ గాడు ఆ తరువాత ఆమే దుస్తువులు తీసుకొని పరారైన వైనమిది. ఇక వివరాల్లోకి వెళితే దుబాయ్‌లోని ఓ పబ్లిక...

20 Mar 2019

కర్నూలు జిల్లాలో విషాదం... ఒకే కుటుంబాని...

కర్నూలు జిల్లాలో విషాదం... ఒకే కుటుంబానికి చెందిన ...

కర్నూలు జిల్లాలో విషాదం చోటు చేసుకుంది. ఒకే కుటుంబానికి చెందిన నలుగురు ఆత్మహత్య చేసుకున్నారు. నందికొట్కూరు పట్టణం బుడగజంగం కాలనీకి చెందిన వీరాంజనేయులు ఆయన భార్య వసంత ఇద్దరు పిల్లలు రామలక్ష్మి, రాజేష్ తో కలిసి ఉరి వేసుకొని ప్రాణాలు తీసుకున్నారు. గ్యాస్ స్టౌలు రిపేర్ చేసుకుంటూ జీవనం సాగిస్తున్న రామాంజ...

20 Mar 2019

ఏపీ ఎన్నికల్లో విజయం ఎవరిని వరిస్తుందో.....

ఏపీ ఎన్నికల్లో విజయం ఎవరిని వరిస్తుందో..? ప్రొ. కే...

ఏపీలో ఎన్నికలపై సర్వత్ర ఉత్కంఠ నెలకొంది. ఇటు ప్రచారలతో అధికార పార్టీ టీడీపీ, ప్రతిపక్ష పార్టీ వైసీపీ క్షణం కూడా వృధా కాకుండా ఎన్నికల ప్రచారంలో దూసుకెళ్తున్న విషయం తెలిసిందే. కాగా అప్పుడే ఏపీలో ఎవరు చక్రం తిప్పబోతున్నారని కూడా తాజాగా ఓ సర్వేలో తెలిపోయింది. ఈ ఎన్నికల్లో వైసీపీ పార్టీ ప్రభంజనం సృష్టించ...

20 Mar 2019

ఆర్సీబీకి అందని ద్రాక్షలా ఐపీఎల్‌ టైటిల్...

ఆర్సీబీకి అందని ద్రాక్షలా ఐపీఎల్‌ టైటిల్‌!

క్రికెట్ అభిమానులు ఎంతగానో ఆశతో ఎదురుచూస్తున్న ఐపీఎల్ (ఇండియన్ ప్రీమియర్ లిగ్) రానే వచ్చేస్తోంది. ఐపీఎల్ మరో నాలుగు రోజుల్లో ప్రారంభంకానుంది. కాగా ఇప్పటికే తమ జట్లు మైదానాల్లో ప్రాక్టీస్ మొదలుపెట్టారు. విరాట్ కోహ్లీ టీమ్ కూడా తన జట్టుతో మైదానంలో ప్రాక్టీస్ చేశాడు. దీనికి సంబంధించిన ఫోటోలు ప్రస్తుతం ...

19 Mar 2019