పెద్ద నోట్ల రద్దు అనాలోచితం

పెద్ద నోట్ల రద్దు అనాలోచితం

 

-ఆర్థిక వ్యవస్థను నాశనం చేశారు
-అన్ని వర్గాలను ఛిన్నాభిన్నం చేశారు
-ఎన్డీఏ సర్కారుపై నిప్పులు కురిపించిన మాజీ ప్రధాని మన్మోహన్‌సింగ్
కిలోమీటర్ల కొద్దీ క్యూ లైన్లు.. రోజులపాటు తెల్లవారకముందే బ్యాంకుల ముందు పడిగాపులు.. ఏటీఎంల వద్ద నిరీక్షణ.. డబ్బు కోసం ప్రజల అగచాట్లు.. ఆడ బిడ్డల పెండ్లిళ్ల కోసం దాచిపెట్టిన సొమ్ము కోసం అమ్మానాన్నల ఆక్రందనలు.. సరిగ్గా రెండేండ్ల కిందట (నవంబర్ 8, 2016) ఎక్కడ చూసినా ఇదే దృశ్యం ఆవిష్కతమైంది. ప్రధాని నరేంద్రమోదీ సర్కారు రూ.1,000, రూ.500 నోట్లను రద్దు చేస్తూ ఇదే రోజున నిర్ణయం తీసుకుంది. దేశంలో పేరుకుపోతున్న నల్లధనాన్ని వెలికి తీయడానికి, నకిలీ కరెన్సీని అరికట్టేందుకు, ఉగ్రవాదం, నక్సలిజాన్ని అణిచివేసేందుకు ఈ నిర్ణయం తీసుకున్నట్లు మోదీ ప్రకటించారు. ఈ నిర్ణయం వెలువడి నేటికి (గురువారం) రెండేండ్లు అవుతున్నది. దీన్ని విజయోత్సాహంగా బీజేపీ సర్కారు భావిస్తుండగా.. అతి పెద్ద విషాదంగా విపక్షాలు అభివర్ణించాయి.
పెద్ద నోట్ల రద్దు అనాలోచిత నిర్ణయమని మాజీ ప్రధాని మన్మోహన్‌సింగ్ తీవ్రంగా దుయ్యబట్టారు. గురువారం ఢిల్లీలో ఆయన మీడియాతో మాట్లాడుతూ.. పెద్ద నోట్ల రద్దు అతి పెద్ద ఆర్థిక తప్పిదమని విమర్శించారు. ఈ నిర్ణయం వల్ల దేశ ఆర్థిక వ్యవస్థ కుదేలైందని, ఇందుకు సమాజంలోని ప్రస్తుత పరిస్థితులే సజీవ సాక్ష్యమని అన్నారు. దేశ ఆర్థిక వృద్ధి ఒడిదుడుకులకు, రూపాయి పతనానికి ఎన్డీఏ సర్కారు విధానాలే కారణమని నిప్పులు చెరిగారు. 2016లో ప్రధాని మోదీ తీసుకున్న దురదృష్టకర నిర్ణయానికి నేటితో రెండేండ్లు. మోదీ నిర్ణయం వల్ల దేశ ఆర్థిక వ్యవస్థ నాశనమైంది. ఆర్థిక వ్యవస్థను తప్పుదోవ పట్టించేందుకు దుస్సాహసమైన నిర్ణయం తీసుకున్నారు. నోట్ల రద్దు చేసిన గాయాలు ప్రస్తుతం కనిపించకపోవచ్చు. కాలంతోపాటే అవి కనిపిస్తాయి. నోట్ల రద్దు నిర్ణయం భారత ఆర్థిక వ్యవస్థ ఎలా గాడి తప్పిందో తెలుసుకోవడానికి ఈ రోజు ఉపయోగపడుతుంది. నోట్ల రద్దు నిర్ణయం అనాలోచితం.. అసంబద్ధం.

మోదీ చర్యల వల్ల దేశం సుదీర్ఘకాలంపాటు ఇబ్బందులు ఎదుర్కోవాల్సి వస్తుంది అని మన్మోహన్‌సింగ్ విమర్శలు గుప్పించారు. సమాజంలోని ప్రతి ఒక్కరిపైనా నోట్ల రద్దు దుష్పభ్రావం పడిందని పేర్కొన్నారు. వయసు, కులం, మతం, లింగభేదం, వృత్తి వంటి అంశాలతో నిమిత్తం లేకుండా నోట్ల రద్దు యావత్ జాతిని తీవ్ర ఇబ్బందులకు గురిచేసింది.సామాన్యులు, చిరు వ్యాపారులు, ఉద్యోగులు, యువత తీవ్ర ఇక్కట్లు ఎదుర్కొన్నారు. ఉద్యోగాలపై ఇది ప్రత్యక్ష ప్రభావం చూపింది. సామాన్యుడి జీవితాన్ని ఛిన్నాభిన్నం చేసింది. గాయాలను మాన్పించే శక్తి కాలానికి ఉంటుంది. కానీ, దురదృష్టవశాత్తూ నోట్ల రద్దు మిగిల్చిన గాయాలు రోజులు గడుస్తున్నా కొద్దీ ఇంకా తీవ్రంగా వేధిస్తున్నాయి అని అన్నారు. ఆర్థిక విధానాల్లో కచ్చితత్వాన్ని, దార్శనికతను కొనసాగించాలని ప్రభుత్వాన్ని కోరారు. మరోవైపు నోట్ల రద్దు నిర్ణయాన్ని నిరసిస్తూ శుక్రవారం దేశవ్యాప్త ఆందోళనలకు కాంగ్రెస్ పిలుపునిచ్చింది.

ఆర్థిక వ్యవస్థకు ఆశాదీపం
-నోట్ల రద్దుపై కేంద్ర మంత్రి జైట్లీ
-పన్ను వసూళ్లు పెరిగాయి.. ఎగవేతలు తగ్గాయి
ఆర్థిక వ్యవస్థను గాడిలో పెట్టేందుకు, పన్ను వసూళ్లను పెంచేందుకే నోట్ల రద్దు నిర్ణయాన్ని తీసుకున్నామని కేంద్ర ఆర్థికమంత్రి అరుణ్‌జైట్లీ స్పష్టం చేశారు. నోట్ల రద్దు నిర్ణయాన్ని ప్రకటించి రెండేండ్లు పూర్తయిన సందర్భంగా ఇంపాక్ట్ ఆఫ్ డిమానిటైజేషన్ పేరుతో తన ఫేస్‌బుక్ పేజీలో జైట్లీ సుదీర్ఘ వివరణిచ్చారు. వివరాలు ఆయన మాటల్లోనే.. ఎన్డీఏ ప్రభుత్వం తీసుకున్న విధానపరమైన నిర్ణయాల్లో నోట్ల రద్దు కీలకమైనది. ఈ చర్య ఆర్థిక వ్యవస్థను సరిదిద్దడంలో పెద్ద ప్రభావం చూపించింది. 2014లో ఎన్డీఏ సర్కారు ఏర్పడిన కొత్తలో దేశంలో ఆదాయపన్ను చెల్లింపుదారులు 3.8 కోట్ల మంది ఉంటే.. ప్రస్తుతం వారి సంఖ్య 6.86 కోట్లకు చేరింది. దేశ ప్రజలపై ప్రత్యక్ష, పరోక్ష పన్నుల భారాన్ని గణనీయంగా తగ్గించాం. మరోవైపు పన్ను వసూళ్లు భారీగా పెరిగాయి. దేశ ప్రజలకు మెరుగైన జీవన విధానాన్ని అందజేశామని, గ్రామాల్లో మెరుగైన మౌలిక వసతులను కల్పించాం. విదేశాల్లో భారతీయులకు ఉన్న బ్యాంకు ఖాతాలు, లావాదేవీలు, ఆస్తుల వివరాల్ని ప్రభుత్వం సేకరించింది. చట్టాలను ఉల్లంఘించిన వారిపై కఠిన చర్యలు తీసుకుంటాం.
ఇప్పటివరకూ దేశంలో 17.42 లక్షల అక్రమ ఖాతాలను గుర్తించాం. ఆ ఖాతాదారులను ప్రశ్నించి వివరాలను రాబడుతున్నాం. నిబంధనలు ఉల్లంఘించిన, పన్నులు ఎగవేసిన వారిని శిక్షించాం. బ్యాంకుల్లో డిపాజిట్లు పెరుగడం వల్ల ప్రస్తుతం అవి అధికమొత్తంలో రుణాలు ఇస్తున్నాయి. పెద్ద నోట్ల రద్దు అనంతరం పన్నుల ఎగవేత తగ్గింది. దేశాన్ని నగదు నుంచి డిజిటల్ లావాదేవీల వైపు తీసుకెళ్లేందుకే ఎన్డీఏ ప్రభుత్వం నోట్ల రద్దు నిర్ణయం తీసుకుంది. తద్వారా పన్ను ఆదాయం, పన్ను చెల్లింపులు పెరిగాయి. 2018-19 ఆర్థిక సంవత్సరంలో వ్యక్తిగత ఆదాయపన్ను వసూళ్లు 20 శాతం మేర పెరిగాయి. కొత్తగా ఈ ఆర్థిక సంవత్సరంలో 86.35 లక్షల మంది ఆదాయ పన్ను చెల్లింపుదారులు అదనంగా చేరనున్నారు. ప్రత్యక్ష, పరోక్ష పన్నుల చెల్లింపులు రెండింతలు అయ్యాయి అని జైట్లీ వివరించారు.

ప్రణాళికబద్ధంగా చేపట్టిన కుంభకోణం
పెద్ద నోట్ల రద్దు అనేది అమాయకత్వంతో చేసిన పని కాదు.. చాలా జాగ్రత్తగా అమలు చేసిన ఆర్థిక కుంభకోణం. ప్రణాళికబద్ధంగా చేపట్టిన క్రూరమైన కుట్ర. తన సూటు, బూటు మిత్రులు నల్లధనాన్ని తెల్లధనంగా మార్చుకోవడానికి ప్రధాని మోదీ తీసుకొచ్చిన పథకం ఇది. నోట్ల రద్దు వెనుక ఉన్న నిజనిజాలు ఇంకా బయటికి రావాల్సి ఉన్నది. పెద్ద నోట్ల రద్దుపై ఇంకా మాయ మాటలతో మోసం చేయాలని చూడటం జనాన్ని అవమానించడమే
-కాంగ్రెస్ అధ్యక్షుడు రాహుల్‌గాంధీ
ఆర్బీఐ స్వాధీనానికి కేంద్రం ప్రయత్నం
ఆర్బీఐని స్వాధీనం చేసుకోవడానికి కేంద్రం ప్రయత్నిస్తున్నది. ఆర్బీఐ బోర్డులోని తన మనుషుల ద్వారా ఈ మేరకు పావులు కదుపుతున్నది. ఎన్నికల సంవత్సరం కావడంతో లక్ష కోట్ల రూపాయలను ఖర్చు పెట్టాలని కేంద్ర ప్రభుత్వం భావిస్తున్నది. ఆర్బీఐ ఇందుకు అనుమతించడం లేదు. ఆర్బీఐని తన గుప్పిట్లోకి తెచ్చుకోవడానికి ప్రయత్నిస్తున్నది. మరోవైపు రాష్ర్టాల వారీగా ఎక్కడికక్కడ స్థానిక పరిస్థితులకు అనుగుణంగా కాంగ్రెస్ పార్టీ పొత్తులు పెట్టుకోవాలి. బీజేపీని ఓడించడానికి ఈ ఫార్ములా ఎంతగానో ఉపయోగపడుతుంది
- కేంద్ర మాజీ మంత్రి చిదంబరం


PostedOn: 09 Nov 2018 Total Views: 42




కారులో తరలిస్తున్న రూ 3.5 కోట్లు సీజ్

కారులో తరలిస్తున్న రూ 3.5 కోట్లు సీజ్

వికారాబాద్: జిల్లాలోని పూడూరు మండలం అంగడీచిట్టంపల్లి తనిఖీ కేంద్రం వద్ద పోలీసులు వాహన తనిఖీలు చేపట్టారు. ఈ సందర్భంగా పత్రాలు లేకుండా కారులో తరలిస్తున్న రూ. 3.5 కోట్లను గుర్తించి స్వాధీనం చేసుకున్నారు. పట్టుబడ్డ నగదు ప్రైవేటు బ్యాంక్‌కు చెందిన నగదుగా అధికారులు అనుమానం వ్యక్తం చేశారు.

16 Nov 2018

హైదరాబాద్ సిటీ టీడీపీ నేతల రహస్య సమావేశం...

హైదరాబాద్ సిటీ టీడీపీ నేతల రహస్య సమావేశం?

పొత్తుల పేరుతో టీడీపీని సర్వనాశనం చేశారని ఆవేదనతెలంగాణలో కనీస స్థానాలు కూడా అడగలేదని చర్చజూబ్లీహిల్స్ లోని ఓ హోటల్ లో నేతల రహస్య భేటీ?తెలంగాణలో పోటీ చేసే అవకాశం దక్కని టీటీడీపీ అభ్యర్థులు ఆగ్రహం వ్యక్తం చేస్తున్న విషయం తెలిసిందే. ఈ నేపథ్యంలో హైదరాబాద్ సిటీకి చెందిన టీ-టీడీపీ నేతలు రహస్యంగా సమావేశమైన...

16 Nov 2018

'సీబీఐ' విషయంలో ఏమిటీ సాధారణ సమ్మతి?.. చ...

'సీబీఐ' విషయంలో ఏమిటీ సాధారణ సమ్మతి?.. చంద్రబాబు ప...

నమ్మకం కోల్పోతున్న సీబీఐరాజకీయ చక్రబంధంలో దర్యాప్తు సంస్థదానికంటే రాష్ట్ర సంస్థలే మేలన్న సీనియర్ న్యాయవాదిసుదీర్ఘ చర్చ అనంతరమే నిర్ణయంఆంధ్రప్రదేశ్ వ్యవహారాల్లో సీబీఐ జోక్యం చేసుకోకుండా చంద్రబాబు ప్రభుత్వం ‘సమ్మతి’ నోటిఫికేషన్‌ను ఉపసంహరించుకోవడం ఇప్పుడు దేశవ్యాప్తంగా పెను సంచలనమైంది....

16 Nov 2018

ఆస్తులు బేరం పెడుతున్న ఎయిరిండియా...రూ.8...

ఆస్తులు బేరం పెడుతున్న ఎయిరిండియా...రూ.800 కోట్లు ...

2012లో యూపీఏ ఆమోదించిన స్థిరాస్తుల విక్రయ ప్రణాళికలో భాగంగతంలో అమ్ముడుపోని ఆస్తులు కూడా వేలంరూ.55వేల కోట్ల రుణభారంతో సతమతమవుతున్న ప్రభుత్వ రంగ సంస్థఅత్యధిక రుణభారంతో సతమతమవుతున్న ప్రభుత్వ రంగ సంస్థ ఎయిరిండియా తన స్థిరాస్తులను అమ్మకానికి పెట్టి కొంత మొత్తం సేకరించే పనిలో పడింది. ప్రభుత్వ రంగ సంస్థ ఎం...

16 Nov 2018

ప్రైవేటు రాఫెలే!

ప్రైవేటు రాఫెలే!

- ప్రభుత్వ ఒప్పందానికి ఫ్రాన్స్‌ నో! - వెలుగులోకి మరో కోణం నరేంద్రమోడీ నేతృత్వంలోని కేంద్ర ప్రభుత్వం పదేపదే చెబుతున్నట్లుగా రాఫెల్‌ ఒప్పందం రెండు సార్వభౌమదేశాల మధ్య సమాన స్థాయిలో జరిగిన వ్యవహారం కాదని తేలిపోయింది. ఈ ఒప్పందానికి 'ప్రభుత్వ' ముద్ర వేయడానికి, భవిష్యత్తులో చోటుచేసుకునే పరిణామాల...

15 Nov 2018

తమిళనాడు తీరం దిశగా దూసుకొస్తోన్న గజ తుఫ...

తమిళనాడు తీరం దిశగా దూసుకొస్తోన్న గజ తుఫాన్

బంగాళాఖాతంలో గజ తుఫాన్ అలజడి సృష్టిస్తోంది. తమిళనాడు తీరం దిశగా తుఫాన్ దూసుకొస్తోంది. ఇవాళ సాయంత్రం కడలూరు..పంబన్ మధ్య తీరం దాటనున్నట్లు వాతావరణ శాఖ అధికారులు తెలిపారు. చెన్నైకి 430 కి.మీ, నాగపట్నానికి 510 కి.మీ దూరంలో కేంద్రీకృతమైంది. నైరుతి, దానికి ఆనుకుని పశ్చిమ మధ్య బంగాళాఖాతంలో కేంద్రీకృతమైంది....

15 Nov 2018

మరికొంత తగ్గిన 'పెట్రో' ధరలు!

మరికొంత తగ్గిన 'పెట్రో' ధరలు!

పెట్రోలు, డీజిల్ ధరల తగ్గుదల కొనసాగుతోంది. మూడు వారాలకు పైగా నిత్యమూ ధరలు తగ్గుతుండగా, గురువారం నాడు లీటరు పెట్రోలుపై 15 పైసలు, డీజిల్ పై 10 పైసల మేరకు ధరను తగ్గిస్తున్నట్టు ప్రభుత్వ రంగ చమురు సంస్థ ఇండియన్ ఆయిల్ కార్పొరేషన్ ప్రకటించింది. దీంతో దేశ రాజధాని న్యూఢిల్లీలో పెట్రోలు ధర లీటరుకు రూ. 77.28క...

15 Nov 2018

రేపు నామినేషన్ దాఖలు చేస్తే కేసీఆర్‌కు ర...

రేపు నామినేషన్ దాఖలు చేస్తే కేసీఆర్‌కు రాజయోగం సిద...

వెంకటేశ్వరస్వామిని దర్శించుకోనున్న కేసీఆర్11 గంటల నుంచి ఒంటి గంట వరకు మకర లగ్నం1.30 నుంచి 2.50 గంటల వరకు కుంభలగ్నంఆపద్ధర్మ ముఖ్యమంత్రి కేసీఆర్‌ సెంటిమెంట్స్‌కు ఎంత ప్రాధాన్యమిస్తారో ప్రత్యేకంగా చెప్పనక్కర్లేదు. తెలంగాణలో నామినేషన్ల ఘట్టం రానే వచ్చింది. రేపు కేసీఆర్ నామినేషన్ వేయనున్నారు. ఇ...

14 Nov 2018