ఇది మూడో పానిపట్టు యుద్ధం

ఇది మూడో పానిపట్టు యుద్ధం

 


- వచ్చే లోక్‌సభ ఎన్నికల్ని సైద్ధాంతిక పోరాటంగా అభివర్ణించిన అమిత్‌షా
- అయోధ్యలో అతి త్వరలో ఆలయం నిర్మిస్తామని ప్రకటన
- కాంగ్రెస్ అడ్డంకులు సృష్టిస్తున్నదని విమర్శ
- సార్వత్రిక ఎన్నికల్లో 282 సీట్లతో అధికారంలోకి వస్తామని ధీమా
- అట్టహాసంగా ప్రారంభమైన బీజేపీ జాతీయ కార్యవర్గ సమావేశాలు

న్యూఢిల్లీ, : వచ్చే లోక్‌సభ ఎన్నికల్ని సైద్ధాంతిక పోరాటంగా బీజేపీ అధ్యక్షుడు అమిత్‌షా అభివర్ణించారు. మరాఠాలకు, ఆఫ్ఘన్ సైన్యాలకు మధ్య 1761లో జరిగిన మూడో పానిపట్టు యుద్ధానికి 2019 సార్వత్రిక ఎన్నికలకు పోలిక ఉందని చెప్పారు. ఈ యుద్ధంలో మరాఠాల ఓటమితో దేశం విదేశీయుల చేతుల్లోకి వెళ్లిపోయిందని, ఆ తర్వాత ఆంగ్లేయుల పాలనలో 200 ఏండ్లు భారతీయులు బానిసలుగా జీవించారని అమిత్‌షా గుర్తుచేశారు. అత్యంత నిర్ణయాత్మకమైన 2019 ఎన్నికల్లో ప్రజలు బీజేపీకే పట్టం కట్టాలని, లేదంటే మళ్లీ బానిసత్వంలోకి వెళ్లే ప్రమాదం ఉందని అన్నారు. 2019 ఎన్నికల్లో 282 స్థానాలు సాధించి బీజేపీ తిరిగి అధికారంలోకి వస్తుందని, ప్రధాని మోదీ రెండోసారి అధికారం చేపడుతారని ధీమా వ్యక్తంచేశారు. ఢిల్లీలోని రామ్‌లీలా మైదానంలో రెండు రోజులపాటు జరుగనున్న బీజేపీ జాతీయ కార్యవర్గ సమావేశాల్ని అమిత్‌షా శుక్రవారం అట్టహాసంగా ప్రారంభించారు.

ప్రధాని నరేంద్రమోదీ, బీజేపీ పాలిత రాష్ర్టాల ముఖ్యమంత్రులు, ఇతర ముఖ్య నేతలు ఈ కార్యక్రమంలో పాల్గొన్నారు. అనంతరం వేలాది మంది ప్రతినిధులను ఉద్దేశించి అమిత్‌షా మాట్లాడుతూ.. అయోధ్యలో ప్రస్తుతం ఉన్న స్థలంలోనే అతి తొందరలోనే భవ్యమైన రామాలయాన్ని నిర్మిస్తామని, ఇందులో ఎలాంటి సందేహాలు అక్కర్లేదని స్పష్టంచేశారు. ప్రస్తుతం ఈ అంశం సుప్రీంకోర్టు పరిధిలో ఉందని, త్వరలో సమస్య పరిష్కారమయ్యే దిశగా బీజేపీ అన్ని చర్యలు తీసుకుంటున్నదని చెప్పారు. రాజ్యాంగబద్ధంగానే అయోధ్య వివాదాన్ని పరిష్కరించుకోవాలన్నదే తమ అభిమతమని పేర్కొన్నారు. ఆలయం విషయంలో కాంగ్రెస్ సహా ప్రతిపక్షాలన్నీ తమ వైఖరిని స్పష్టం చేయాలని అమిత్‌షా డిమాండ్ చేశారు.

ఆలయానికి కాంగ్రెస్ అడుగడుగునా అడ్డంకులు సృష్టిస్తున్నదని మండిపడ్డారు. బీజేపీకి వ్యతిరేకంగా జట్టు కడుతున్న మహాకూటమిని మిథ్యగా ఆయన అభివర్ణించారు. కూటమికి నాయకత్వం గానీ, పాలసీగానీ లేవని ఎద్దేవా చేశారు. కేవలం అధికారం కోసం వారు జట్టు కట్టారని విమర్శించారు. సాంస్కృతిక జాతీయవాదం, పేదల సంక్షేమ పథకాలు, ప్రధాని నరేంద్రమోదీ నాయకత్వం తమను రెండోసారి అధికారంలోకి తీసుకువస్తాయని అమిత్‌షా ధీమా వ్యక్తంచేశారు. మజ్బూత్ సర్కార్ (సమర్థ ప్రభుత్వం) కావాలా? లేదంటే మజ్బూర్ సర్కార్ (నిస్సహాయ ప్రభుత్వం) కావాలా? అనేది ప్రజలే తేల్చుకోవాలని పిలుపునిచ్చారు. దేశ ప్రజలంతా మోదీ లాంటి గట్టి నేత ఉన్న మజ్బూత్ సర్కార్ రావాలని కోరుకుంటున్నారని చెప్పారు.

దేశంలో మోదీకి ఉన్న ప్రజాదరణ మరే నేతకు లేదని చెప్పారు. రాఫెల్ ఒప్పందంపై కాంగ్రెస్ చేసిన ఆరోపణలు అసత్యమని న్యాయస్థానాల్లో తేలిందని చెప్పారు. 1987 నుంచి మోదీ తనకు తెలుసునని, అప్పట్నుంచీ ఇప్పటివరకూ ఆయన నేతృత్వంలో జరిగిన ఏ ఎన్నికల్లోనూ ఓటమిని చూడలేదని తెలిపారు.

మోదీని ఓటమెరుగని విజేతగా అభివర్ణించారు. యూపీలో అత్త-అల్లుడు (మాయావతి, అఖిలేష్) కూటమి తమకు పోటీ కాదని చెప్పారు. యూపీలో గత ఎన్నికల్లో మొత్తం 80 స్థానాలకు 73 గెలిచామని, వచ్చే ఎన్నికల్లో 74 స్థానాల్లో జయకేతనం ఎగురవేస్తామని తెలిపారు. మోదీపై అవినీతి ఆరోపణలు చేసేందుకు సోనియా, రాహుల్‌లు భయపడుతున్నారని, నేషనల్ హెరాల్డ్ కేసులో వారిద్దరూ బెయిల్‌పై ఉన్నారంటూ ఎద్దేవా చేశారు. పౌరసత్వ బిల్లుపై కాంగ్రెస్ అనవసర రాద్ధాంతం చేస్తున్నదని మండిపడ్డారు. దేశ భద్రత రాహుల్ బాబాకు, అతడి భజన బృందానికి పట్టదని ఎద్దేవా చేశారు. ఈబీసీ బిల్లుతో అగ్రకులాల్లోని నిరుద్యోగ యువతకు లబ్ధి చేకూరనున్నదని పేర్కొన్నారు. మోదీ హయాంలో సరిహద్దులు సురక్షితంగా ఉన్నాయని చెప్పారు. లక్ష్యిత దాడులతో భారత్ ఏకంగా అమెరికా, ఇజ్రాయెల్ సరసన చేరిందని తెలిపారు.

 

 

 

 

 


PostedOn: 12 Jan 2019 Total Views: 108




వర్షం కారణంగా టాస్‌ నిలిపివేత

వర్షం కారణంగా టాస్‌ నిలిపివేత

వన్డే వరల్డ్‌కప్‌లో పాకిస్థాన్, శ్రీలంక మధ్య పోరుకు వర్షం అంతరాయం కలిగిస్తోంది. ఈ నేపథ్యంలో అంపైర్లు టాస్‌ను వాయిదా వేశారు. కాగా మైదానంలో వర్షం కురుస్తుండటంతో పిచ్‌ మొత్తం కవర్లతో కప్పేశారు. దీంతో కొద్దిసేపు టాస్‌ని నిలిపివేశారు. ఈ మ్యాచ్‌ కాస్త ఆలస్యంగా ప్రారంభమయ్యే అవ...

07 Jun 2019

ఎమ్మెల్యే హర్షవర్ధన్‌రెడ్డి వర్సెస్‌ మాజ...

ఎమ్మెల్యే హర్షవర్ధన్‌రెడ్డి వర్సెస్‌ మాజీమంత్రి జూ...

నాగర్‌కర్నూల్‌ టీఆర్ఎస్‌లో వర్గ విభేదాలు భగ్గుమన్నాయి. కొల్లాపూర్‌ నియోజకవర్గంలో పెంట్లవెల్లి ఎంపీపీ ఎన్నిక సందర్భంగా ఎమ్మెల్యే హర్షవర్ధన్‌రెడ్డి, మాజీమంత్రి జూపల్లి వర్గీయుల మధ్య ఘర్షణ చోటు చేసుకుంది. ఎంపీపీగా పెంట్లపల్లి నుంచి ఎంపీటీసీగా గెలుపొందిన జూపల్లి మద్దతుదారుడు రాజ...

07 Jun 2019

తనకి మర్యాద ఇవ్వలేదని మెడికల్ షాప్ ఉద్యో...

తనకి మర్యాద ఇవ్వలేదని మెడికల్ షాప్ ఉద్యోగిని చితకబ...

తానూ షాప్ కి వస్తే నిలబడి మర్యాద ఇవ్వలేదని కోపంతో ఓ మెడికల్ షాప్ ఉద్యోగిని చితకబాదాడు ఓ బీజేపి నేత సోదరుడు .. ఇక వివరాల్లోకి వెళ్తే బీహార్‌లోని బెత్తై నగరంలో ఈ నెల 3న ఈ సంఘటన జరిగింది.. జరిగిన ఈ ఘటన ఆలస్యంగా వెలుగులోకి వచ్చింది. బీజేపీ జాతీయ ఉపాధ్యాక్షురాలైన రేణు దేవి సోదరుడు పిను రాత్రి 9:10 గ...

07 Jun 2019

చివర్లో వచ్చి చితక్కొట్టి ..ప్రపంచ కప్ ల...

చివర్లో వచ్చి చితక్కొట్టి ..ప్రపంచ కప్ లో నైల్ రిక...

ప్రపంచకప్‌లో భాగంగా వెస్టిండీస్‌తో మ్యాచ్‌లో ఆస్ట్రేలియా ఫాస్ట్‌ బౌలర్‌ నాథన్‌ కౌల్టర్‌ నైల్‌ బ్యాట్‌తో మెరిశాడు. విండీస్‌ బౌలర్ల ధాటికి ఆసీస్‌ ఒకానొక దశలో 147 పరుగులకే ఆరు వికెట్లు కోల్పోయి పీకల్లోతు కష్టాల్లో పడింది. ఈ తరుణంలో స్టీవ్‌ స్మ...

07 Jun 2019

పోరాడినా ఫలితం దక్కలేదు : విండీస్ ఓటమి

పోరాడినా ఫలితం దక్కలేదు : విండీస్ ఓటమి

వరల్డ్ కప్ టోర్నీలో ఈరోజు పదో మ్యాచ్ లో ఆస్ట్రేలియాతో తలపడిన వెస్టిండీస్ జట్టు ఓటమి పాలైంది. తడబడుతూ బ్యాటింగ్ ప్రారంభించిన ఆస్ట్రేలియా జట్టు క్రమంగా నిలదొక్కుకుని, ప్రత్యర్థికి సవాల్ విసిరెలాంటి స్కోరు చేయగలిగింది. 288 పరుగులు చేసి గౌరవం దక్కించుకుంది. అయితే ఛేదనలో విండీస్ పోరాడింది. కానీ, చివర్లో ...

07 Jun 2019

పోరాడుతున్న వెస్టిండీస్

పోరాడుతున్న వెస్టిండీస్

వరల్డ్ కప్ టోర్నీలో ఈరోజు పదో మ్యాచ్ లో ఆస్ట్రేలియాతో వెస్టిండీస్ తలపడుతోంది. ఆచి తూచి ఛేదన మొదలు పెట్టిన వెస్టిండీస్ కష్టాల్లో పడింది. కీలక వికెట్లు కోల్పోయి.. పరుగుల కోసం ప్రయత్నిస్తోంది. మొదటి ఓవర్లలో ఆసీస్ బౌలింగ్ను ఎదుర్కోవడానికి తిప్పలు పడ్డా తరువాత నిదానంగా స్కోరు చేసుకుంటూ వెళ్లారు విండీస్ ఆ...

07 Jun 2019

నిదానంగా ఆసీస్ బ్యాటింగ్

నిదానంగా ఆసీస్ బ్యాటింగ్

వరల్డ్ కప్ టోర్నీలో పదో మ్యాచ్ లో ఆసీస్, విండీస్ తలపడుతున్నాయి. టాస్ గెలిచి ప్రత్యర్థికి బ్యాటింగ్ అప్పచెప్పిన విండీస్.. బౌలింగ్ లో చక్కని ప్రదర్శన చేస్తోంది. ఆసీస్ బ్యాట్స్ మెన్ పరుగులు చేయడానికి అవస్థలు పడుతున్నారు. త్వరత్వరగా నాలుగు వికెట్లు కోల్పోయిన దశలో స్మిత్ తన సహచరుడు స్టోయినిస్‌(19) త...

06 Jun 2019

ఐదు వికెట్లు కోల్పోయిన ఆసీస్

ఐదు వికెట్లు కోల్పోయిన ఆసీస్

ప్రపంచ కప్‌లో భాగంగా ఈరోజు పదో మ్యాచ్ వెస్టిండీస్‌-ఆస్ట్రేలియాల మధ్య జరుగుతోంది. ఇందులో భాగంగా విండీస్‌ టాస్‌ గెలిచి బౌలింగ్‌ ఎంచుకుంది. ఇప్పటికే చెరో మ్యాచ్‌ గెలుచుకున్న రెండు టీములకు ఈ మ్యాచ్ కీలకమైనది. ఈమ్యాచ్ లో గెలిచి పై చేయి సాధించాలని రెండు జట్లూ పట్టుదలతో ఉన్నాయ...

06 Jun 2019