కాంగ్రెస్, టీడీపీలవి చీకటి ఒప్పందాలు

కాంగ్రెస్, టీడీపీలవి చీకటి ఒప్పందాలు

 


ఓట్లు డబ్బాలో పడగానే పత్తాలేకుండాపోతరు
-కాంగ్రెస్, టీడీపీల చీకటి ఒప్పందాలు
-సిద్దిపేట యాదవుల ఆత్మీయ బహిరంగసభలో మంత్రి హరీశ్‌రావు
-ఆలీబాబా 40 దొంగల్లాగా మహాకూటమి: మంత్రి తలసాని

 ఓట్లు వచ్చాయంటే కాంగ్రెసోళ్లు ఊళ్లోకి వస్తరని, పోలింగ్ అయిపోగానే పత్తాలేకుండాపోతరని నీటిపారుదలశాఖ మంత్రి టీ హరీశ్‌రావు అన్నారు. టీఆర్‌ఎస్‌ను ఓడించే దమ్ములేక టీడీపీ, కాంగ్రెస్ పార్టీలు చీకటి ఒప్పందాలు చేసుకుని కూటమిగా వస్తున్నాయన్నారు. కాంగ్రెస్ పార్టీ ముసుగులో వస్తున్న చంద్రబాబును తరిమికొట్టాలని పిలుపునిచ్చారు. గురువారం సిద్దిపేటలో అఖిల భారత యాదవ సంఘం ఉపాధ్యక్షుడు శ్రీహరియాదవ్ అధ్యక్షతన యాదవుల ఆత్మీయ సమ్మేళనం జరిగింది. సభలో రాష్ట్ర పశుసంవర్థకశాఖ మంత్రి తలసాని శ్రీనివాస్‌యాదవ్, ఎంపీలు కొత్త ప్రభాకర్‌రెడ్డి, బడుగుల లింగయ్యయాదవ్, మండలి చీఫ్‌విప్ పాతూరి సుధాకర్‌రెడ్డి, గొర్రెల ఫెడరేషన్ చైర్మన్ కన్నెబోయిన రాజయ్యయాదవ్, జెడ్పీ చైర్‌పర్సన్ రాజమణి మురళీయాదవ్ పాల్గొన్నారు. ఈ సందర్భంగా మంత్రి హరీశ్‌రావు మాట్లాడుతూ టికెట్ల కోసం కాంగ్రెస్ పార్టీ నేతలు ఢిల్లీ బాటపడితే.. టీడీపీ నేతలు అమరావతి బాట పట్టారని, టీఆర్‌ఎస్ నాయకులు మాత్రం జనం మధ్యే ఉండి వారి కష్టసుఖాల్లో పాలుపంచుకుంటున్నారని తెలిపారు. పోరాడి తెచ్చుకున్న తెలంగాణను, రాష్ట్ర ఆత్మగౌరవాన్ని కాపాడుకోల్సిన బాధ్యత మనందరిపై ఉన్నదన్నారు. కాంగ్రెస్ నేతలకు కుర్చీల కోసం కొట్లాడుకోవడమే సరిపోతుందని, వారు ప్రజల సమస్యల గురించి ఎప్పుడూ పట్టించుకోరని విమర్శించారు. నియోజకవర్గంలో ఎన్ని గ్రామాలు ఉన్నాయో కూడా తెలియనోళ్లు ఇవ్వాళ ఓట్ల కోసం వస్తున్నారని, అలాంటి నాయకులను నిలదీయాలని పిలుపునిచ్చారు.

ఎంత ఎదిగితే అంత ఒదిగి ఉండాలని కేసీఆర్ చెప్పిండు
ఎంత ఎదిగితే అంత ఒదిగి ఉండాలని సీఎం కేసీఆర్ మాకు నేర్పించిండు. ఎదిగిన కొద్దీ మంచి వినయంగా ఉండాలని, కష్టపడాలని పేదలకు సహాయం చేయాలని చెప్పిండు. అం దుకే మీ బిడ్డగా మీరు నాకిచ్చిన అవకాశాన్ని ఉపయోగించుకొని నిరంతరం మీ సేవలో ఉంటా అని మంత్రి హరీశ్‌రావు చెప్పారు. కొమురవెల్లి మల్లన్న, బీరప్పల ఆశీర్వాదంతో తనకిచ్చిన శక్తినంతా ప్రజాసేవకోసమే వినియోగిస్తానన్నారు. సిద్దిపేటలో గెలుపు పక్కా అయింది. భారీ మెజార్టీతో గెలిస్తే సిద్దిపేట గౌరవం ఇంకా పెరుగుతుంది. సీఎం కేసీఆర్ సార్‌కు బహుమతిగా ఇద్దాం అని చెప్పారు. యాదవుల సంక్షేమం కోసం అన్ని గ్రామాల్లో సామాజిక భవనాలు నిర్మించామని, భవిష్యత్తులో రాజకీయంగా ప్రాధాన్యమిస్తామని తెలిపారు.

దొంగలంతా ఒక్కటయ్యారు: తలసాని

ఎన్నికలు రాగానే దొంగలంతా ఒక్కటయ్యారని, ఆలీబాబా 40 దొంగల్లాగా కూటమిగా ఏర్పడ్డారని మంత్రి తలసాని శ్రీనివాస్‌యాదవ్ ఎద్దేవాచేశారు. గడ్డాలు, మీసాలు పెంచుకుంటే ఎమ్యెల్యేలు కారని, ప్రజలకు సేవచేసే వారినే గుర్తించి ప్రజలు ఎన్నుకుంటారని అన్నారు. సీఎం కేసీఆర్ వచ్చాకే యాదవులకు స్వాతంత్య్రం వచ్చిందని, రాష్ట్రంలో గుర్తింపు లభించిందని తెలిపారు. జనంలో ఆదరణ లేక ఓడిపోతామనే భయం తో హరీశ్‌రావుపై కొందరు అసత్య ప్రచారాలు చేస్తున్నారన్నారు. యాదవుల ఇష్టదైవమైన కొమురవెల్లి ఆలయాన్ని టీఆర్‌ఎస్ ప్రభుత్వం ఎంతో అభివృద్ధి చేసిందని తెలిపారు. యాదవులు సిద్దిపేట పాత బస్టాండ్ నుంచి భారీర్యాలీ నిర్వహించారు. కార్యక్రమంలో మున్సిపల్ చైర్మన్ రాజనర్సు, డీసీసీబీ చైర్మన్ చిట్టి దేవేందర్‌రెడ్డి, యాదవసంఘం రాష్ట్ర నాయకులు రమేశ్, జిల్లా అధ్యక్షుడు ఐలయ్యయాదవ్ పాల్గొన్నారు.

కూటమి గెలిస్తే ప్రాజెక్టులు పూర్తికానిస్తుందా?
-నీటిపారుదలశాఖ మంత్రి టీ హరీశ్‌రావు
-టీఆర్‌ఎస్‌లో చేరిన 300 మంది షాద్‌నగర్ టీడీపీ నాయకులు

హైదరాబాద్, నమస్తే తెలంగాణ: వచ్చే ఎన్నికల్లో టీడీపీ భాగస్వామిగా ఉన్న కూటమి గెలిస్తే మహబూబ్‌నగర్ జిల్లాలో ప్రాజెక్టులు పూర్తి కానివ్వరని అని నీటిపారుదలశాఖ మంత్రి టీ హరీశ్‌రావు అన్నారు. తెలంగాణ అభివృద్ధి టీఆర్‌ఎస్ ప్రభుత్వంతోనే సాధ్యమని చెప్పారు. గురువారం తెలంగాణభవన్‌లో రంగారెడ్డి జిల్లా షాద్‌నగర్ ఎమ్మెల్యే అభ్యర్థి అంజయ్యయాదవ్ ఆధ్వర్యంలో టీడీపీ జిల్లా కార్యదర్శి కడెంపల్లి సదానందంగౌడ్, కొడిచర్ల మాజీ సర్పంచ్ బాల్‌రెడ్డి, తెలుగు యువత మండలాధ్యక్షుడు ఎర్రవెళ్లి వేణుగోపాల్‌చారి, ఎస్సీ సెల్ అధ్యక్షుడు జోగు బాలరాజు, టీడీపీ సీనియర్ నాయకుడు మక్తగూడెం బాలయ్యతోపాటు, 300 మంది టీడీపీ నాయకులు, కార్యకర్తలు గురువారం తెలంగాణభవన్‌లో హరీశ్‌రావు సమక్షంలో టీఆర్‌ఎస్‌లో చేరారు. ఈ సందర్భంగా హరీశ్‌రావు మాట్లాడుతూ ఏపీ సీఎం చం ద్రబాబు తెలంగాణ ప్రాజెక్టులు నిలిపివేయాలంటూ కేంద్రానికి అనేకలేఖలు రాశారని, కూటమి అధికారంలోకి వస్తే వాటిని నిజంగానే నిలిపివేయిస్తారని చెప్పారు. కాంగ్రెస్, టీడీపీ హయాంలో మహబూబ్‌నగర్ జిల్లాలో 1.50 లక్షల ఎకరాలకు నీళ్లిస్తే టీఆర్‌ఎస్ ప్రభుత్వం నాలుగేండ్లలోనే 6.50 లక్షల ఎకరాలకు సాగునీందించిందన్నారు. వలసలు వాపస్ వస్తున్నాయని తెలిపారు. పాలమూరు-రంగారెడ్డి ప్రాజెక్టు పూర్తయితే షాద్‌నగర్ నియోజకవర్గంలో లక్ష ఎకరాలకు నీరందుతుందని అన్నారు. ప్రాజెక్టులకు వ్యతిరేకం గా చంద్రబాబు రాసిన లేఖలను పుస్తక రూపంలో తీసుకొస్తామని, వాటిని ప్రజల్లోకి తీసుకెళ్లి ప్రచారం చేయాలని టీఆర్‌ఎస్ నాయకులకు సూచించారు. వచ్చే 30 రోజులు టీఆర్‌ఎస్ కోసం పనిచేస్తే వచ్చే ఐదేండ్లు మీ కోసం పనిచేస్తామని హరీశ్‌రావు హామీ ఇచ్చారు. కార్యక్రమంలో మాజీ ఎమ్మెల్యే అంజయ్యయాదవ్ తదితరులు పాల్గొన్నారు.


PostedOn: 09 Nov 2018 Total Views: 122




సీఎం ప్రత్యేక ముఖ్య కార్యదర్శిగా పీవీ రమ...

సీఎం ప్రత్యేక ముఖ్య కార్యదర్శిగా పీవీ రమేష్

ఆంధ్రప్రదేశ్‌ ముఖ్యమంత్రి వైఎస్‌ జగన్‌ కు ప్రత్యేక ముఖ్య కార్యదర్శిగా సీనియర్ ఐఏఎస్‌ అధికారి పీవీ రమేష్ నియమితులయ్యారు. అలాగే, ఆంధ్రప‍్రదేశ్‌ ప్రభుత్వ సలహాదారుగా జీవీడీ కృష్ణమోహన్‌ నియమితులయ్యారు. ఆయన కమ్యూనికేషన్‌ సలహాదారుగా వ్యవహరించనున్నారు. వీరిద్దరి నియామక...

07 Jun 2019

నిరుద్యోగులకు జగన్ ప్రభుత్వం గుడ్‌న్యూస్

నిరుద్యోగులకు జగన్ ప్రభుత్వం గుడ్‌న్యూస్

నిరుద్యోగులకు జగన్ ప్రభుత్వం గుడ్‌న్యూస్ గ్రామ వాలంటీర్ల పోస్టులకు నోటిఫికేషన్ విడుదల మొత్తం 4 లక్షల ఉద్యోగాలు అర్హత:10వ తరగతి 18 నుంచి 39 ఏళ్లలోపువారు అర్హులు జులై ఆఖరిలోపు దరఖాస్తులు అప్లికేషన్‌కు ఎలాంటి ఫీజు లేదు ఆగస్టు 15 లోపు ఫలితాల వెల్లడి

07 Jun 2019

మరో కీలక పధకం అమలు దిశగా సీఎం జగన్ ..

మరో కీలక పధకం అమలు దిశగా సీఎం జగన్ ..

ఆంధ్రప్రదేశ్ నూతన ముఖ్యమంత్రిగా కొన్ని రోజుల కిందట ప్రమాణస్వీకారం చేసిన జగన్ తన పాలనలో తనదైన మార్క్ ని చూపిస్తున్నారు .. ఇప్పటికే పలు పధకాల అమలుకు శ్రీకారం చుట్టిన అయన మరో పధకాన్ని అమలు చేసేందుకు అడుగులు వేస్తున్నారు .. త్వరలో గ్రామ వాలంటీర్లును నియమించనున్నట్లు అయన ఇంతకు ముందే తెలిపారు . అయితే వారి...

07 Jun 2019

చంద్రబాబు విమానం దారి మళ్లింపు

చంద్రబాబు విమానం దారి మళ్లింపు

ప్రతికూల వాతావరణం నేపథ్యంలో టీడీపీ అధినేత, మాజీ ముఖ్యమంత్రి చంద్రబాబు విమానాన్ని దారి మళ్లించారు. రాత్రి 7.20కి విజయవాడ నుంచి హైదరాబాద్‌ బయల్దేరిన ఎయిరిండియా విమానాన్ని బెంగళూరుకు మళ్లించారు. దీంతో రాత్రి 9.20కి చంద్రబాబు ప్రయాణిస్తున్న విమానం బెంగళూరు చేరుకుంది. ప్రస్తుతం వాతావరణం అనుకూలించడంత...

07 Jun 2019

అక్కడా.. మాటలూ, మాట్లాడుకోవడాలూ లేవ్!

అక్కడా.. మాటలూ, మాట్లాడుకోవడాలూ లేవ్!

ఈ నెల 13 , 14 తేదీల్లో కిర్గిస్తాన్‌లో షాంఘై కోఆపరేషన్ ఆర్గనైజేషన్ సదస్సు జరగనుంది. ఈ సదస్సుకు భారత ప్రధానమంత్రి నరేంద్ర మోదీ, పాకిస్తాన్ పీఎం ఇమ్రాన్ ఖాన్ హాజరవుతున్నారు. ఈ సమావేశంలో ఇద్దరి మధ్యా ప్రత్యేకంగా భేటీ ఉంటుందని ఇంతవరకూ అందరూ అనుకున్నారు. అయితే, ఈ సమావేశంలో వారిద్దరూ అధికారికంగా భేటీ...

07 Jun 2019

రైల్వే కోడూరు ఎమ్మెల్యే కొరుముట్లకు సీఎం...

రైల్వే కోడూరు ఎమ్మెల్యే కొరుముట్లకు సీఎం పిలుపు!

మంత్రివర్గ కూర్పుపై ముఖ్యమంత్రి వై ఎస్ జగన్‌ సుదీర్ఘ కసరత్తు చేస్తున్నారు. శనివారం మంత్రివర్గం ప్రమాణస్వీకారం జరగనున్న నేపథ్యంలో కేబినెట్‌లో ఎవరెవరికి చోటు కల్పించాలన్న అంశంపై దాదాపు స్పష్టత వచ్చినట్టు తెలుస్తోంది. ఇప్పటికే పదహారు మంది ఎమ్మెల్యేలకు మంత్రి మండలిలో చోటు దక్కుతుందని ప్రచారం జ...

06 Jun 2019

ఉత్తమ్‌, భట్టి, శ్రీధర్‌బాబు అరెస్టు

ఉత్తమ్‌, భట్టి, శ్రీధర్‌బాబు అరెస్టు

సీఎల్పీని తెరాసలో విలీనం చేసే ప్రక్రియను తీవ్రంగా నిరసిస్తూ అసెంబ్లీ ఆవరణలో నిరసన చేపట్టిన కాంగ్రెస్‌ నేతలను పోలీసులు అరెస్టు చేశారు. సీఎల్పీ విలీనం కోరుతూ కాంగ్రెస్ ఎమ్మెల్యేలు స్పీకర్ ను కలవడాన్ని నిరసిస్తూ పీసీసీ చీఫ్ ఉత్తమ్, సీఎల్పీ నేత మల్లు భట్టి విక్రమార్క, ఎమ్మెల్యేలు శ్రీధర్‌బాబు,...

06 Jun 2019

కాన్వాయ్‌తో ప్రజలకు ఇబ్బంది ఉండొద్దు: సీ...

కాన్వాయ్‌తో ప్రజలకు ఇబ్బంది ఉండొద్దు: సీఎం జగన్‌

కాన్వాయ్ వలన ప్రజలు ఇబ్బందులు ఎదుర్కోవడాన్ని ఏపీ సీఎం వైఎస్‌ జగన్ గమనించారు. తన పర్యటనలతో ప్రజలకు ఇబ్బందులు లేకుండా చూడాలని సీఎం వైఎస్‌ జగన్ అధికారులకు ఆదేశాలు జారీ చేశారు. విమానాశ్రయానికి వెళ్లినప్పుడు కాన్వాయ్ వలన ప్రజలు ఇబ్బందులు ఎదుర్కోవడాన్ని వైఎస్‌ జగన్ గమనించారు. దీంతో ఎయిర్&zw...

06 Jun 2019