ట్రంప్‌కు షాక్!

ట్రంప్‌కు షాక్!

 

-అమెరికా మధ్యంతర ఎన్నికల్లో కంగుతిన్న రిపబ్లికన్ పార్టీ
-ఫలితాల్లో డెమోక్రాట్ల విజయ ఢంకా
-ప్రతినిధుల సభలో ఆధిపత్యం సాధించిన విపక్షం
-సెనేట్‌లో మెజారిటీని కాపాడుకోగలిగిన రిపబ్లికన్ పార్టీ
-నలుగురు భారతీయ అమెరికన్ల విజయం
-రిపబ్లికన్లది చారిత్రక గెలుపు: అధ్యక్షుడు ట్రంప్

వాషింగ్టన్, నవంబర్ 8: అమెరికా అధ్యక్షుడు డొనాల్డ్ ట్రంప్ పాలనపై రిఫరెండంగా భావిస్తున్న మధ్యంతర ఎన్నికల్లో ఆ దేశ ప్రజలు ట్రంప్‌కు షాక్ ఇచ్చారు. కీలకమైన మధ్యంతర ఎన్నికల్లో ప్రతిపక్ష డెమోక్రటిక్ పార్టీ మెజార్టీ స్థానాలను గెలుచుకుంది. దీంతో రిపబ్లికన్ పార్టీకి ఎదురుదెబ్బ తగిలినట్లయ్యింది. బుధవారం ఎన్నికల ఫలితాలు వెలువడ్డాయి. అమెరికన్ కాంగ్రెస్‌లోని ప్రతినిధుల సభ (హౌస్ ఆఫ్ రిప్రజెంటేటివ్స్)లో మొత్తం 435స్థానాలకు గాను 229 సీట్లతో డెమోక్రటిక్ పార్టీ విజయదుందుభి మోగించింది. మరోవైపు 100మంది సభ్యుల సెనేట్‌లో 53 సీట్లను కైవసం చేసుకున్న రిపబ్లికన్ పార్టీ తన ఆధిక్యతను కాపాడుకోగలిగింది. 2020 అధ్యక్ష ఎన్నికల్లో ప్రధాన ప్రత్యర్థుల మధ్య పోటీ ఎంతటి తీవ్రస్థాయిలో ఉండనుందో ఈ మధ్యంతర ఎన్నికల ఫలితాలు వెల్లడించాయి. ప్రతినిధుల సభపై ఎనిమిదేండ్ల విరామం తర్వాత డెమోక్రాట్లు ఆధిపత్యాన్ని సాధించడంతో.. ట్రంప్ ఏకపక్ష నిర్ణయాలకు మున్ముందు బ్రేక్ పడే అవకాశమున్నట్లు విశ్లేషకులు భావిస్తున్నారు. ఇకపై కీలక నిర్ణయాలు తీసుకోవడంలో డెమోక్రాట్ల ఆమోదం లేకుండా ట్రంప్ ముందుకెళ్లే పరిస్థితి లేదని వారంటున్నారు.
హౌస్‌లో డెమోక్రాట్ల హవా.. సెనేట్‌లో రిపబ్లికన్ల ఆధిక్యం
అమెరికన్ కాంగ్రెస్‌లోని ప్రతినిధుల సభ (హౌస్ ఆఫ్ రిప్రజెంటేటివ్స్)లో మొత్తం 435స్థానాలకు అన్నింటికీ ఎన్నికలు జరిగాయి. ఇందులో 229 సీట్లతో డెమోక్రటిక్ పార్టీ విజయదుందుభి మోగించింది. ప్రతినిధుల సభలో రిపబ్లికన్లు 206స్థానాలకే పరిమితం కావాల్సి వచ్చింది. ఎన్నికలకు ముందు ప్రతినిధుల సభలో.. రిపబ్లికన్ పార్టీ, డెమోక్రటిక్ పార్టీలు 235-193 బలాబలాన్ని కలిగి ఉండగా.. ఒక నామినేటెడ్ స్థానం, ఆరు ఖాళీ స్థానాలు ఉండేవి. తాజా ఫలితాల్లో.. ఖాళీ స్థానాలు, రిపబ్లికన్ పార్టీ ప్రాతినిధ్య స్థానాలను కలుపుకొని మొత్తం 23సీట్లను డెమోక్రటిక్ పార్టీ కొల్లగొట్టింది. మరోవైపు సెనేట్‌లో మాత్రం రిపబ్లికన్లు తమ ఆధిక్యతను కాపాడుకోగలిగారు. 35స్థానాలకు ఎన్నికలు జరుగగా 26చోట్ల అధికార రిపబ్లికన్ పార్టీ గెలుపొందింది. దీంతో 100మంది సభ్యుల సెనేట్‌లో రిపబ్లికన్‌పార్టీ సభ్యుల సంఖ్య 53కు చేరింది. అంతకుముందు 51-49 తేడాతో డెమోక్రటిక్ పార్టీపై స్వల్ప ఆధిక్యత కలిగిన రిపబ్లికన్ పార్టీ.. ప్రస్తుత ఫలితాలతో 53-47తో సభపై పట్టును పెంచుకోగలిగింది. హౌస్, సెనేట్‌తోపాటు 50రాష్ర్టాల్లో ఖాళీఅయిన 36 గవర్నర్ స్థానాలు, మేయర్లు, స్థానిక ప్రభుత్వాధికారుల స్థానాలకు కూడా ఎన్నికలు జరిగాయి. వచ్చే జనవరిలో నూతన సభ్యులు ప్రమాణం చేయనున్నారు.
రికార్డుస్థాయిలో మహిళలు గెలుపు
అమెరికా మధ్యంతర ఎన్నికల్లో మహిళలు రికార్డుస్థాయిలో ప్రతినిధుల సభకు 98మంది, సెనేట్‌కు 12మంది ఎన్నికయ్యారు. న్యూయార్క్ స్థానం నుంచి గెలిచిన అలెగ్జాండ్రియా ఒకాసియో కార్టెజ్ (29).. అమెరికన్ చట్టసభకు ఎన్నికైన అతి పిన్న వయస్కురాలిగా చరిత్ర సృష్టించారు. కాన్సాస్ నుంచి గెలుపొందిన డెమోక్రాట్ ష్రాయిస్ డేవిడ్స్.. చట్టసభకు ఎన్నికైన తొలి అమెరికన్ మూలవాసి మహిళగా నిలిచారు.
సత్తా చాటిన భారత సంతతి నేతలు
మధ్యంతర ఎన్నికల్లో డెమోక్రటిక్ పార్టీకి చెందిన నలుగురు భారత సంతతి అమెరికన్లు విజయం సాధించారు. ప్రతినిధుల సభకు వీరంతా తిరిగి ఎన్నికయ్యారు. ఇల్లినాయిస్ నుంచి ప్రాతినిధ్యం వహిస్తున్న రాజా కృష్ణమూర్తి రెండోసారి ఎన్నికవగా, డాక్టర్ అమి బెరా కాలిఫోర్నియా 7వ జిల్లా నుంచి మూడోసారి ఎన్నికయ్యారు. ఆయన కేవలం ఆరుశాతం ఓట్ల తేడాతో బయటపడ్డారు. రో ఖన్నా.. కాలిఫోర్నియా లోని 17వ జిల్లా నుంచి 44శాతం ఓటు పాయింట్లతో మెజారిటీతో విజయం సాధించారు. ప్రమీలా జయపాల్ వాషింగ్టన్ నుంచి 66శాతం పాయింట్లతో మెజారిటీతో గెలుపొందారు. హవాయి నుంచి రిపబ్లికన్ పార్టీ తరఫున ప్రాతినిధ్యం వహిస్తున్న తులసి గబార్డ్ వరుసగా నాలుగోసారి గెలుపొందారు. అలాగే వేర్వేరు స్థానాలకు జరిగిన ఎన్నికల్లో డజను వరకు ఇండో అమెరికన్లు విజయం సాధించారు. విస్కాన్సిన్ రాష్ర్టానికి అటార్నీ జనరల్‌గా ఎన్నికైన తొలి ఇండో-అమెరికన్‌గా జోష్ కౌల్ రికార్డు సృష్టించారు.
నీమా కులకర్ణి కెంటకీ అసెంబ్లీకి, అమీశ్‌షా అరిజోనా అసెంబ్లీకి ఎన్నికయ్యారు. ఉత్తర కరోలినా స్టేట్ సెనేట్‌కు ఇద్దరు భారతీయులు ముజ్తబా మహ్మద్, జై చౌదరి ఎన్నికయ్యారు. నీరజ్ అటానీ ఓహియో శాసనసభకు వరుసగా మూడోపర్యాయం గెలుపొందారు. వీరితోపాటు స్టేట్ అసెంబ్లీలకు ఎన్నికైన వారిలో మన్కా ధింగ్రా, వందన స్లాటర్ (వాష్టింగన్), సబీ కుమార్ (టెన్నెస్సీ), ఆకా కార్లా (కాలిఫోర్నియా), కుమార్ భర్వే (మేరీల్యాండ్), సిటీ కోర్టులకు జరిగిన ఎన్నికల్లో జూలీ మ్యాథ్యూ, కేజీ జార్జ్ (టెక్సాస్), శాలినీ బెహాల్ (మాసాచూసెట్స్) గెలుపొందారు. అమెరికా జనాభాలో ఒక్కశాతంగా ఉన్న ప్రవాసీయులు ఎక్కువసంఖ్యలో గెలుపొందడం శుభపరిణామం. ఓటర్ల అభిమానం వల్లే వీరిలో పలువురు తిరిగి గెలుపొందారు అని ప్రవాసభారతీయుడు గౌతమ్ రాఘవన్ తెలిపారు.

ఒకప్పుడు శరణార్థులు.. ఇప్పుడు చట్టసభ సభ్యులు
rashidaమధ్యంతర ఎన్నికల్లో ఇద్దరు ముస్లిం మహిళలు ఇల్హాన్ ఒమర్, రషీదా తలీబ్ (డెమోక్రటిక్ పార్టీ తరఫున) తొలిసారిగా అమెరికా కాంగ్రెస్‌కు ఎన్నికయ్యారు. అమెరికన్ పార్లమెంట్‌కు (కాంగ్రెస్‌కు) ఎన్నికైన తొలి ముస్లిం మహిళలుగా వారు నిలిచారు. 12ఏండ్ల వయసులో ఇల్హాన్ ఒమర్ అమెరికాకు సోమాలియా నుంచి శరణార్థిగా రాగా, రషీదా తలీబ్ తండ్రి పాలస్తీనా నుంచి అమెరికా శరణార్థిగా వచ్చారు. తాజా ఎన్నికల్లో ఇల్హాన్ ఒమర్ మిన్నెసోటా నుంచి, 42ఏండ్ల రషీదా తలీబ్ మిషిగాన్ నుంచి గెలుపొందారు. మరోవైపు కొలరాడో నుంచి గెలిచిన డెమోక్రటిక్ పార్టీ నేత జేర్డ్ పోలిస్ అమెరికాలో గవర్నర్ పదవిని చేపట్టనున్న తొలి స్వలింగ సంపర్కుడిగా రికార్డులకెక్కారు.
ప్రశ్నించిన జర్నలిస్టుపై నిషేధం
-మీడియాపై మరోసారి అక్కసు వెళ్లగక్కిన ట్రంప్
-ప్రశ్నించిన సీఎన్‌ఎన్ ప్రతినిధిపై వైట్‌హౌస్‌లోకి రాకుండా నిషేధం
-వైట్‌హౌస్ మహిళా ఉద్యోగి చేయి పట్టుకున్నారని ఆరోపణ
-ట్రంప్ సర్కార్ తీరుపై అమెరికా మీడియా సంస్థల మండిపాటు

అమెరికా అధ్యక్షుడు డొనాల్డ్ ట్రంప్ మరోసారి మీడియా పట్ల వ్యతిరేకతను బయటపెట్టుకున్నారు. తనను ప్రశ్నించిన ఓ విలేకరిపై అనుచితంగా ప్రవర్తించటమేగాక, తన అధికారిక నివాసం వైట్‌హౌస్‌లో మీడియా సమావేశాలకు రాకూడదంటూ నిషేధం విధించారు. ఇటీవల మధ్యంతర ఎన్నికల ప్రచారం సందర్భంగా వలస ప్రజానీకంపై ట్రంప్ చేసిన వ్యాఖ్యల గురించి సీఎన్‌ఎన్ సీనియర్ జర్నలిస్టు జిమ్ అకోస్టా.. ట్రంప్‌ను వైట్‌హౌస్‌లో మీడియా సమావేశం సందర్భంగా నిలదీశారు. దీంతో ట్రంప్ సహనం కోల్పోయారు. ప్రశ్నించడం ఆపేసి కూర్చోవాలని ఆదేశించారు. కానీ, అకోస్టా అలాగే నిలబడి మరో ప్రశ్న వేయడానికి ప్రయత్నించడంతో ట్రంప్ ఆగ్రహం కట్టలు తెంచుకున్నది.ఆయన వద్ద ఉన్న మైక్రోఫోన్ ను లాక్కోవాలని తన సిబ్బందిని ఆదేశించారు. దీంతో ఓ మహిళా ఉద్యోగి అకోస్టా వద్దకు వచ్చి మైక్రోఫోన్‌ను తీసుకునేందుకు ప్రయత్నించారు. అకోస్టా అందుకు అభ్యంతరం తెలిపారు. ఈ సందర్భంగా ఆమె చేయిని పట్టుకున్నాడు. దీనిని సాకుగా చూపించి, అకోస్టా మీడియా పాస్‌ను సీక్రెట్ సర్వీస్ సిబ్బంది తీసేసుకున్నారు. అంతేకాదు, తదుపరి ఆదేశాలు జారీ చేసే వరకూ ఆయన వైట్‌హౌస్ మీడియా సమావేశాలకు రావద్దంటూ నిషేధం విధించారు. దీనిపై అమెరికా మీడియా సంస్థలు మండిపడుతున్నాయి.


PostedOn: 09 Nov 2018 Total Views: 126




ఓటేసిన ప్రధాని మోదీ తల్లి

ఓటేసిన ప్రధాని మోదీ తల్లి

ప్రధాని నరేంద్రమోదీ తల్లి హీరాబెన్‌ మోదీ అహ్మదాబాద్‌లో ఓటు వేశారు. రాయిసన్‌లో ఏర్పాటు చేసిన పోలింగ్‌ బూత్‌లో ఆమె తన ఓటు హక్కును వినియోగించుకున్నారు. అంతకు ముందు ప్రధాని నరేంద్ర మోదీ రనిప్‌ పోలింగ్‌ కేంద్రంలో ఓటేశారు. ఇవాళ ఉదయం గాంధీనగర్‌లో తన తల్లి వద్దకు వెళ్...

23 Apr 2019

ఓటు హక్కు వినియోగించుకున్న అమిత్‌ షా

ఓటు హక్కు వినియోగించుకున్న అమిత్‌ షా

బీజేపీ జాతీయాధ్యక్షుడు అమిత్ షా ఓటు హక్కు వినియోగించుకున్నారు. మంగళవారం ఉదయం షా తన సతీమణి సోనాల్ షాతో కలిసి అహ్మదాబాద్‌లోని నార్నపుర సబ్ జోనల్‌ బూత్‌లో ఓటు వేశారు. కాగా గుజరాత్‌లోని గాంధీనగర్ లోక్‌సభ నియోజకవర్గం నుంచి అమిత్ షా పోటీ చేస్తున్న సంగతి తెలిసిందే. ఇదిలా ఉంటే గుజరా...

23 Apr 2019

ఫిర్యాదుతో సమావేశం దిశ మార్చుకున్న టీడీప...

ఫిర్యాదుతో సమావేశం దిశ మార్చుకున్న టీడీపీ నేతలు..

ఎన్నికలు అయిపోయి 10 రోజులు గడుస్తున్నా ఆ వేడి మాత్రం ఏపీలో తగ్గలేదు. ఎన్నికల నిర్వహణ, ఈసీ పని తీరుపై విమర్శలు వస్తూనే ఉన్నాయి. ఈ క్రమంలో టీడీపీ అధినేత చంద్రబాబు తన అభ్యర్థులతో సమావేశం ఏర్పాటు చేశారు. అయితే పార్టీ కార్యక్రమాలు ప్రభుత్వాధికార భవనాల్లో ఏవిధంగా నిర్వహిస్తారని వైసీపీ ఎన్నికల అధికారులకు ల...

23 Apr 2019

కాంగ్రెస్‌‌కు గుడ్‌బై చెప్పిన భూపాలపల్లి...

కాంగ్రెస్‌‌కు గుడ్‌బై చెప్పిన భూపాలపల్లి ఎమ్మెల్యే

తెలంగాణ కాంగ్రెస్‌కు మరో షాక్ తగిలింది. భూపాలపల్లి ఎమ్మెల్యే గండ్ర వెంకటరమణారెడ్డి కాంగ్రెస్‌ పార్టీకి రాజీనామా చేశారు. టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌తో సమావేశమైన గండ్ర దంపతులు త్వరలో కారెక్కనున్నట్లు ప్రకటించారు. కేసీఆర్‌తో కలిసి నడవాలని నిర్ణయించ...

23 Apr 2019

ఆపార్టీపై జనంలో నమ్మకం పోయింది.. ఇక గూలా...

ఆపార్టీపై జనంలో నమ్మకం పోయింది.. ఇక గూలాబీకి ప్రత్...

తెలంగాణ రాష్ట్రంలో అవినీతికి పాల్పడేది రెవెన్యూ అధికారులా లేక టీఆర్ఎస్ నాయకులా అని ప్రశ్నించారు బీజేపీ నేత డీకే అరుణ. నల్లగొండ జిల్లా కార్యవర్గ సమావేశంలో మాట్లాడారు. చట్టాల్లో మార్పు కోసం తెలంగాణ సీఎం కేసీఆర్‌ ఏకపక్ష నిర్ణయాలు తీసుకోవడంసరైంది కాదని హితవుపలికారు. కేవలం ఓటమి భయంతోనే పార్లమెంట్ ఎన...

20 Apr 2019

చంద్రబాబుకు జగన్‌ పుట్టినరోజు శుభాకాంక్ష...

చంద్రబాబుకు జగన్‌ పుట్టినరోజు శుభాకాంక్షలు

69వ పుట్టిన రోజు జరుపుకుంటున్న ఏపీ సీఎం చంద్రబాబుకు ప్రతిపక్ష నేత వైఎస్ జగన్ మోహన్ రెడ్డి జన్మదిన శుభాకాంక్షలు తెలియజేశారు. ట్విట్టర్‌ ద్వారా ఆయన శుభకాంక్షలు తెలియజేశారు. ఇక చంద్రబాబు జన్మదిన వేడుకలను టీడీపీ శ్రేణులు, కార్యకర్తలు, నాయకులు పలు చోట్ల ఘనంగా నిర్వహించారు. విజయవాడలో పార్టీ నేత గోనుగ...

20 Apr 2019

బాబుకు ఆర్జీవీ వినూత్నంగా పుట్టినరోజు శు...

బాబుకు ఆర్జీవీ వినూత్నంగా పుట్టినరోజు శుభాకాంక్షలు

వివాదాస్పద దర్శకుడు రామ్ గోపాల్ వర్మ ఏపీ సీఎం చంద్రబాబుకు వినూత్నంగా పుట్టిన రోజు శుభకాంక్షలు తెలియజేశారు. చంద్రబాబు పుట్టిన రోజు సందర్భంగా టీఆర్ఎస్ అధినేతపై తాను రూపొందిస్తున్న టైగర్ కేసీఆర్ చిత్ర ఫస్ట్ లుక్‌ను చంద్రబాబు పుట్టిన రోజు సందర్భంగా విడుదల చేస్తున్నట్టు ట్వీట్ చేశారు. ఈ మేరకు తాను చ...

20 Apr 2019

దమ్ముంటే..ఆ 40 మంది పేర్లు బయట పెట్టు: జ...

దమ్ముంటే..ఆ 40 మంది పేర్లు బయట పెట్టు: జగన్‌కు దేవ...

ఒకే సామాజిక వర్గానికి చెందిన డీఎస్పీలకు ప్రమోషన్లు ఇచ్చారన్న జగన్ ఆరోపణలకు మంత్రి దేవినేని ఉమ కౌంటర్ ఇచ్చారు. ప్రమోషన్లు పొందిన 40 మంది డీఎస్పీల వివరాలు బయటపెట్టాలని జగన్‌కు సవాల్ విసిరారు. ఎవరు ఎప్పుడు ప్రమోషన్ ఇచ్చారో మొత్తం మీడియా ముందు పెట్టాలని డిమాండ్ చేశారు. దుర్మర్గంగా ప్రభుత్వంపై బురద ...

17 Apr 2019