కరోనా కరాళ నృత్యం, కరోనా వైద్యాన్ని ఆరోగ్యశ్రీలో చేర్చాలి

కరోనా కరాళ నృత్యం, కరోనా వైద్యాన్ని ఆరోగ...
కరోనా వైద్యాన్ని ఆరోగ్యశ్రీలో చేర్చాలి కరోనా మహమ్మారి విజృంభిస్తుంది. జన జీవితాలను అతలాకుతలం చేస్తోంది. దేశంలోను ఇటు తెలంగాణ రాష్ట్రంలోను కేసులు రోజురోజుకు పెరుగుతున్నాయి. ప్రజల ప్రాణాలు అనంత వాయువుల్లో కలిసిపోతున్నాయి. ఈ తరుణంలో ప్రజల ప్రాణాలను కాపాడుకోవడం అందరి బాధ్యత. దీనికి సర్కార్ తోడ్పాటు చాలా అవసరం. పేదలు కరోనా వ్యాధి తీవ్రరూపందాలిస్తే వైద్యం చేయించుకోవడానికి ప్రభుత్వ దవాఖానలో పూర్తిస్థాయి సౌకర్యాలు కల్పించడం, జనం ప్రాణాలు నిలపడం కనీస బాధ్యత. సర్కార్ దవాఖానల్లో సరైన సదుపాయాలు లేవు. ఈ పరిస్థితిలో కరోనా చికిత్సను ఆరోగ్యశ్రీలో చేర్చాలని వైఎస్ షర్మిల డిమాండ్ చేశారు. పలుమార్లు తెలంగాణ ప్రభుత్వానికి వినతిపత్రాలు ఇచ్చారు. దీనివల్ల కార్పొరేట్ వైద్యం చేయించుకునే వీలుంటుందని... ఆక్సిజన్ అందక, వైద్యం అందక చనిపోయే పరిస్థితిని అరికట్టవచ్చు అనేది షర్మిల గారి ఆలోచన. పక్క రాష్ట్రం ఆంధ్రప్రదేశ్ లో కరోనాను ఆరోగ్యశ్రీలో చేర్చారు. కోటి మందికి పైగా లబ్ది పొందారు. ఇలా చేయడం ప్రభుత్వాల కనీస బాధ్యత కూడా. తెలంగాణ సర్కార్ మాత్రం ఈ విషయాలేవీ చెవిన పెట్టడం లేదు. ప్రజలు శవాల కుప్పలుగా మారుతుంటే చూస్తూ కంటితుడుపు చర్యలు చేపడుతూ వారి జీవితాలతో ఆడుకుంటున్నారు. 2, 500కోట్లు ఖర్చు చేసైనా వాక్సిన్ తెప్పించి అందరికి మే 1వ తారీఖున ఇస్తామన్న ముఖ్యమంత్రి కేసీఆర్... ఆ విషయాన్నీ దాటవేసి మరి కొన్ని రోజులు పడుతుందని చెప్పడం బాధాకరం. ప్రజల ప్రాణాలపై పాలకులకు ఎంత చిత్తశుద్ధి వుందో అర్ధమవుతుంది. కరోనా మహమ్మారి కోరలు చాచింది. రాష్ట్రంలో అత్యంత వేగంగా విస్తరిస్తోంది. ఒక్క నెల రోజుల్లోనే లక్షా ముప్పై వేలకుపైగా కరోనా పాజిటివ్ కేసులు నమోదు కావటం సర్వత్రా ఆందోళన కలిగిస్తోంది. ప్రతి నిమిషానికి కనీసం ముగ్గురికి మహమ్మారి సోకుతోందని వైద్యారోగ్య శాఖ నివేదికలు చెప్తున్నాయి. ముఖ్యంగా భాగ్యనగరాన్ని మహమ్మారి చుట్టేస్తోంది. పాజిటీవ్‌ రేటు 10 శాతానికి చేరిందనే ఆరోగ్యశాఖ లెక్కలు భయాందోళన కలిగిస్తున్నాయి. తెలంగాణలో కరోనా చాపకింద నీరులా వ్యాపిస్తోంది. ప్రతిరోజు వందలాది మందికి కరోనా సోకుతోందని అధికారిక గణాంకాలు చెబుతున్నాయి. ఏప్రిల్ 1 నాటికి రాష్ట్రంలో 3లక్షల 9వేల 741మంది కొవిడ్‌ భారిన పడగా.. ఏప్రిల్ చివరి నాటికి అది కాస్తా.. 4లక్షల 43 వేల 360కి చేరింది. అంటే ఒక్క ఏప్రిల్ నెలలోనే లక్షా 33వేల 619మందికి కరోనా నిర్ధరణ అయింది. రోజుకి సరాసరిన 4వేల 453 మందికి వైరస్‌ బారిన పడ్డారని వైద్య ఆరోగ్య శాఖ లెక్కలు స్పష్టం చేస్తున్నాయి. అంటే గడచిన నెల రోజుల్లో ప్రతి గంటకి 185 మంది చొప్పున... నిమిషానికి కనీసం ముగ్గురికి పైగా కరోనా భారినపడటం ఆందోళన కలిగిస్తోంది. యాక్టివ్ కేసులు సైతం మార్చ్ చివరి నాటికి కేవలం 6వేల 159 ఉండగా... ప్రస్తుతం వాటి సంఖ్య ఏకంగా 78వేల 888కి పెరిగింది. కరోనా ఫస్ట్‌వేవ్‌తో పోలిస్తే సెకండ్‌ వేవ్ వేగంగా విస్తరిస్తోందని అధికారిక లెక్కలు చెబుతుండగా మరణాలు సైతం క్రమంగా పెరుగుతున్నాయి. గత నెల రోజుల్లో 606 మందిని వైరస్ బలితీసుకుంది. అంటే రోజుకి సగటున కనీసం 20 మంది మహమ్మారితో మృతి చెందటం ఆందోళన కలిగిస్తోంది. రికవరీ రేటు సైతం నెలరోజుల్లోనే సుమారు 16శాతం తగ్గటం కరోనా తీవ్రతకు అద్దం పడుతోంది. మార్చి చివరి నాటికి రాష్ట్రంలో 97.5 శాతానికి పైగా వైరస్ భారిన పడినవారు కోలుకుంటుండగా.. ప్రస్తుతం అది 81.68 కి పడిపోయింది. మరీ ముఖ్యంగా GHMCపై కరోనా తన ప్రతాపాన్ని చూపుతోంది. గడిచిన నెలరోజుల్లో రాష్ట్రంలో నమోదైన మొత్తం పాజిటివ్ కేసుల్లో 17.3 శాతం కేసులు ఒక్క గ్రేటర్‌ పరిధిలోనే నమోదయ్యాయి. నిజామాబాద్, ఆదిలాబాద్, నిర్మల్ వంటి ప్రాంతాలపైనా కరోనా తీవ్రత అధికంగా కనిపిస్తోంది. రాష్ట్రంలో గతేడాది మార్చ్‌లో మొదటి కరోనా కేసులు నమోదయ్యాయి.. ఏడాది కాలంలో ఎన్నడూ లేని విధంగా ఈ ఏప్రిల్‌లో వైరస్ శరవేగంగా విస్తరించటంతో పాటు... వందల మందిని మృత్యువు వడిలోకి లాక్కుంది. ప్రాణాలను బలితీసుకుంది. రానున్న 4 వారాలు సైతం పరిస్థితి తీవ్రంగా ఉండే ప్రమాదం ఉందని అధికారులు అంచనా వేస్తున్నారు. ప్రజలు అప్రమత్తంగా ఉంటూ, సరైన జాగ్రత్తలు పాటిస్తూ, వైరస్‌ భారినపడకుండా రక్షించుకోవాలని వైద్యులు సూచిస్తున్నారు. ప్రభుత్వాలు పూర్తిస్థాయిలో పట్టించుకోని కారణంగా ప్రజలు అప్రమత్తంగా ఉండాల్సిన అవసరం ఎంతైనా ఉంది. తెలంగాణలో కరోనా పాజిటివ్ రేటు 11 శాతానికి పెరిగింది. తాజాగా 77, 903మందికి కరోనా నిర్ధారణ పరీక్షలు చేయగా...7, 754మందికి వైరస్ సోకినట్టు నిర్ధారణ అయ్యింది. మరో 5,186మందికి చెందిన ఫలితాలు రావాల్సి ఉన్నట్టు ఆరోగ్య శాఖ ప్రకటించింది. దీంతో ఇప్పటి వరకు రాష్ట్రంలో వైరస్ భారిన పడిన వారి సంఖ్య 4,43,360కి చేరింది. మరో 6,542మంది కోలుకోగా మొత్తం 3,62,160 మంది ఇప్పటి వరకు వైరస్ నుంచి కోలుకున్నారు. తాజాగా 51మంది కోవిడ్ తో ప్రాణాలు కోల్పోయారు. రాష్ట్రంలో కరోనా మరణాలు.. 2,312కి పెరిగాయి. ప్రస్తుతం రాష్ట్రంలో 78,888 మంది కరోనాతో బాధపడుతున్నారు. దేశవ్యాప్తంగా మహమ్మారి భారినపడుతున్న వారు 81.8శాతం మంది రికవర్ అవుతుండగా రాష్ట్రంలో మాత్రం కొంత స్వల్పంగా 81.68శాతం మంది కోలుకుంటున్నట్టు వైద్య ఆరోగ్య శాఖ లెక్కలు చెబుతున్నాయి. ఇక తాజాగా వచ్చిన కరోనా పాజిటివ్ కేసుల్లో ఆదిలాబాద్ 109, భద్రాద్రి కొత్తగూడెం 108, జీహెచ్ ఎంసీ 1,507, జగిత్యాల 255, జనగామ 74, జయశంకర్ భూపాలపల్లి 73, జోగులాంబగద్వాల 100, కామారెడ్డి 143, కరీంనగర్ 281, ఖమ్మం 230, కొమరంభీం ఆసిఫాబాద్ 101, మహబూబ్ నగర్ 279, మహబూబాబాద్ 125, మంచిర్యాల 216, మెదక్ 106, మేడ్చల్ మల్కాజ్ గిరి 630, ములుగు 41, నాగర్ కర్నూల్ 203, నల్గొండ 231, నారాయణ్ పేట 44, నిర్మల్ 86, నిజామాబాద్ 267, పెద్దపల్లి 162, రాజన్న సిరిసిల్ల 102, రంగారెడ్డి 544, సంగారెడ్డి 325, సిద్దిపేట 279, సూర్యాపేట 242, వికారాబాద్ 242, వనపర్తి 103, వరంగల్ రూరల్ 165, వరంగల్ అర్బన్ 208, యాదాద్రి భువనగిరి 173మందికి కరోనా సోకింది. ఇంత మంది ప్రాణాలు పోతుంటే కరోనా చికిత్సను ఆరోగ్యశ్రీలో చేర్చకుండా తెలంగాణ సర్కార్... ఏం పట్టనట్టు వ్యవహరించడం బాధాకరం. ఏది ఏమైనా ప్రజలు స్వీయ నియంత్రణ పాటించి, మాస్క్ ధరించి, భౌతిక దూరం పాటించాల్సిన అవసరం వుంది. దీని వల్ల ప్రాణాలు నిలుపుకునే వీలుంటుంది. కరోనా బారిన పడకుండా ఉండే అవకాశం కలుగుతుంది. అత్యవసరమైతే తప్ప బయటకు వెళ్లకుంటే మంచిది. కరోనా వచ్చిన వారికి చేతనైన సాయం చేయడం కూడా మన బాధ్యతగా భావించాలి. వారికి బతుకు భరోసా ఇవ్వాలి. కరోనాను ప్రారద్రోలాలి. తెలంగాణ సర్కార్ కరోనాను ఆరోగ్యశ్రీలో చేర్చాలి ప్రజల ప్రాణాలు కాపాడాలి. పేదలకు బతుకు భరోసా ఇవ్వాలి.

PostedOn: 04 May 2021 Total Views: 224




కేర‌ళ స‌రిహ‌ద్దుల్లో ఆరోగ్యశాఖ అధికారుల ...

కేర‌ళ స‌రిహ‌ద్దుల్లో ఆరోగ్యశాఖ అధికారుల నిఘా

చెన్నై: కేరళలో కరోనా వైరస్‌ ఉగ్రరూపం దాల్చటంతో ఆ రాష్ట్ర సరిహద్దుల్లో రాష్ట్ర ఆరోగ్యశాఖ అధికారులు తీవ్ర నిఘా ఏర్పాటు చేశారు. కేరళ సరిహద్దు ప్రాంతాల నుంచి రాష్ట్రంలోకి ప్రవేశించే ప్రతి ఒక్కరికి కరోనా వైద్యపరీక్షలు జరుపుతున్నారు. కేరళ నుంచి వచ్చే ప్రతివాహనాన్ని ఆపి తనిఖీ చేస్తున్నారు. వాహనాల్లో వచ్చేవ...

04 Sep 2021

ఆయుధాల కొనుగోలుకు ర‌ష్యాతో భార‌త్ ఒప్పంద...

ఆయుధాల కొనుగోలుకు ర‌ష్యాతో భార‌త్ ఒప్పందం

న్యూఢిల్లీ : రష్యా నుంచి పెద్ద ఎత్తున ఆయుధాల కొనుగోలుకు భారత వాయు సేన (ఐఏఎఫ్) ఒప్పందం కుదుర్చుకుంది. ప్రస్తుతం ఉన్న ఐఎన్ఎస్ఏఎస్ రైఫిల్స్‌కు బదులుగా ఏకే-103 అజాల్ట్ రైఫిల్స్‌ను సమకూర్చుకోబోతోంది. ఆఫ్ఘనిస్థాన్‌లో అమెరికా దళాలు వదిలేసిన ఆయుధాలు భారత దేశంలోని ఉగ్రవాద మూకలకు చేరే అవకాశం ఉన్న నేపథ్యంలో అత...

28 Aug 2021

వాహ‌నాల రీ-రిజిస్ట్రేషన్‌ కు సులువైన విధ...

వాహ‌నాల రీ-రిజిస్ట్రేషన్‌ కు సులువైన విధానం

న్యూఢిల్లీ : వ్యక్తిగత వాహనాలను ఇతర రాష్ట్రాలకు బదిలీ చేయడానికి సులువైన విధానాన్ని కేంద్ర రోడ్డు రవాణా మంత్రిత్వ శాఖ ప్రవేశపెట్టింది. కొత్త వాహనాలకు భారత్ సిరీస్ (బీహెచ్ సిరీస్)ను ప్రవేశపెట్టింది. దీనివల్ల ఒక రాష్ట్రం/కేంద్ర పాలిత ప్రాంతంలోని వాహన యజమాని మరొక రాష్ట్రం లేదా కేంద్ర పాలిత ప్రాంతానికి బ...

28 Aug 2021

సినిమా షూటింగ్‌లో గాయ‌ప‌డ్డ ప్రియాంక‌

సినిమా షూటింగ్‌లో గాయ‌ప‌డ్డ ప్రియాంక‌

బాలీవుడ్ స్టార్ హీరోయిన్ ప్రియాంక చోప్రాకి గాయాలయ్యాయని సోషల్ మీడియాలో వార్త ఒకటి వైరల్ అవుతోంది. ప్రస్తుతం ప్రియాంక 'సిటాడెల్' సినిమా కోసం షూటింగ్ లో పాల్గొంటోంది. దీనిలో భాగంగా ఆమెకి ముఖంపై గాయమైంది. సోషల్ మీడియాలో యాక్టివ్‌గా ఉండే ప్రియాంక చోప్రా షూటింగ్ సమయంలో తాను గాయపడినట్లు స్వయంగా ఇన్‌స్టాగ్...

28 Aug 2021

అసోంలో భారీ వర్షాలు.. వరదలు

అసోంలో భారీ వర్షాలు.. వరదలు

గౌహతి (అసోం): అసోం రాష్ట్రంలో కురుస్తున్న భారీ వర్షాల వల్ల వరదలు వెల్లువెత్తాయి. అసోంలోని 11 జిల్లాల్లో 1.33 లక్షల మంది ప్రజలు వరదల బారిన పడ్డారని అసోం రాష్ట్ర డిజాస్టర్ మేనేజ్ మెంట్ ఏజెన్సీ తాజా బులెటిన్ లో వెల్లడించింది.భారీవర్షాల వల్ల బిస్వానాథ్, బోనగైగామ్ చిరాంగ్, థీమాజీ, దిబ్రూఘడ్, జోర్హత్, లఖి...

28 Aug 2021

వ్యాక్సినేషన్‌లో ఉత్తరప్రదేశ్‌ టాప్‌

వ్యాక్సినేషన్‌లో ఉత్తరప్రదేశ్‌ టాప్‌

న్యూఢిల్లీ: కరోనా వైరస్‌పై పోరాడేందుకు వ్యాక్సిన్ ఒక్కటే పరిష్కార మార్గం. అందుకే ప్రపంచవ్యాప్తంగా వ్యాక్సినేషన్ ముమ్మరంగా జరుగుతోంది. గడచిన 24 గంటల్లో దేశవ్యాప్తంగా కోటి మందికి టీకాలు వేశారు. ఒక్క రోజులో అత్యధిక టీకాలు వేయడం ఇదే ప్రథమం. దీంతో దేశవ్యాప్తంగా 62 కోట్ల మందికి టీకాలు వేసినట్లయ్యింది. దేశ...

28 Aug 2021

దేశ వ్యాప్తంగా 46,759 కొత్త కరోనా కేసులు...

దేశ వ్యాప్తంగా 46,759 కొత్త కరోనా కేసులు నమోదు

న్యూఢిల్లీ: దేశవ్యాప్తంగా గడిచిన 24 గంటల్లో కొత్తగా 46,759 కరోనా పాజిటివ్ కేసులు నమోదు అయ్యాయి. కరోనాతో 509 మంది మృతి చెందారు. అలాగే 31,374 మంది కరోనా నుంచి కోలుకున్నారు. దేశ వ్యాప్తంగా 46,759 కేసులు నమోదు అయితే అందులో ఒక్క కేరళ రాష్టంలో 32,801 కేసులు నమోదు అయ్యాయి. దేశంలో మొత్తం కరోనా పాజిటివ్ కేసు...

28 Aug 2021

సీసీ కెమెరాల ఏర్పాటులో ఢిల్లీ టాప్

సీసీ కెమెరాల ఏర్పాటులో ఢిల్లీ టాప్

న్యూఢిల్లీ: భారత్‌కు గర్వకారణమైన విషయం ఇది. ప్రపంచంలోనే అభివృద్ధి చెందిన అమెరికా, ఇంగ్లండ్, చైనాలను కూడా భారత్ అధిగమించిన అంశం ఇది. ఆయా దేశాల్లోని టాప్ నగరాలకంటే భారతదేశ రాజధాని ఢిల్లీ నగరం ముందంజలో నిలిచింది. ఇంతకీ ఏ విషయంలో అని ఆలోచిస్తున్నారా..? సీసీ కెమెరాల ఏర్పాటులో. అవును మీరు వింటున్నది నిజమే...

28 Aug 2021